پرەزيدەنت قاسىم-جومارت توقاەۆ «اۆتوجول قۇرىلىسىنا، سونىڭ ىشىندە جەرگىلىكتى جولداردىڭ ساپاسىنا باسا ءمان بەرۋ كەرەك»،-دەپ قاداپ ايتقان ەدى. قازىرگى تاڭدا الماتى قالاسىنىڭ كولىك ينفراقۇرىلىمىن جاقسارتۋ ماقساتىندا ءبىر قاتار جۇمىستار اتقارىلۋدا، دەپ حابارلايدى "ادىرنا" ءتىلشىسى.
بۇگىنگى تاڭدا مەدەۋ اۋدانىنىڭ كولىك ينفراقۇرىلىمىن جاقسارتۋ ءۇشىن 1 ملرد تەڭگەگە ۇزىندىعى 5,7 كم شىعىس اينالما اۆتوموبيل جولىنا ورتاشا جوندەۋ جۇمىستارى جۇرگىزىلدى. بۇل تۋرالى الماتى اكىمى ەربولات دوساەۆ مەدەۋ اۋدانى حالقىمەن كەزدەسۋى بارىسىندا ءمالىم بولدى.
"جىل باسىنان باستاپ 1,4 ملرد تەڭگەگە ۇزىندىعى 21,4 كم 29 كوشەگە ورتاشا جوندەۋ جۇمىستارى باستالدى. وندا تروتۋارلار سالۋ دا قامتىلعان. بۇگىنگى كۇنى 27 كوشە بويىنشا جۇمىستار اياقتالدى. ءۋاليحانوۆ كوشەسى مەن گورنىي تۇيىق كوشەسى بويىنشا جۇمىستار ءجۇرىپ جاتىر. ولاردى اعىمداعى جىلدىڭ 15 قازانىنا دەيىن اياقتاۋدى جوسپارلاپ وتىرمىز", - دەدى قالا اكىمى.
