مەملەكەت باسشىسى قاسىم-جومارت توقاەۆ وڭىرلەردى دامىتۋدىڭ ۇلتتىق جوباسى اياسىندا بەس جىل ىشىندە حالىقتىڭ 100 پايىزىن تازا اۋىز سۋمەن قامتاماسىز ەتۋدى تاپسىرعان ەدى. پرەزيدەنتتىڭ بۇل پارمەنى الماتى قالاسىندا بۇلجىتپاي ورىندالىپتا جاتىر، دەپ حابارلايدى "ادىرنا" ءتىلشىسى.
مەدەۋ اۋدانىنداعى دۋمان ىقشاماۋدانىندا سورعى ستانتسياسى مەن كولەمى 1800 تەكشە مەتر بولاتىن 2 رەزەرۆۋار قايتا جاڭعىرتىلىپ جاتىر. جۇمىستى اعىمداعى جىلدىڭ سوڭىنا دەيىن اياقتاۋ جوسپارلانعان.بۇل تۋرالى الماتى قالاسىنىڭ اكىمى ەربولات دوساەۆ مەدەۋ اۋدانى حالقىمەن كەزدەسۋىندە ايتتى.
مەگاپوليس باسشىسىنىڭ ايتۋىنشا، اعىمداعى جىلدىڭ قاراشا ايىندا يۋبيلەينىي (265 ابونەنت) ىقشاماۋدانىندا 1,2 كم كاناليزاتسيا جەلىلەرىن قايتا جاڭعىرتۋ، ءۇش كوشە (گورنايا كوشەسى، باتۋرين كوشەسى جانە بەگالين كوشەسى،129 ابونەنتتى قامتيدى) بويىنشا 1,4 كم سۋ قۇبىرى جەلىسىنىڭ جۇمىستارى اياقتالادى. بۇل جۇمىستار كوككيناكي، لۋگانسكي جانە ەلەبەكوۆ كوشەلەرىندە جالعاسىپ، 2023 جىلدىڭ ءىى توقسانىندا اياقتالادى.
قالا اكىمى كەڭساي ىقشاماۋدانىندا سۋ قۇبىرى جانە كاناليزاتسيا جەلىلەرىن سالۋ جوباسى بويىنشا كونكۋرس وتكىزىلىپ، مەردىگەر انىقتالعانىن ايتتى. قۇرىلىس-مونتاج جۇمىستارىنىڭ باستالۋى 2023 جىلدىڭ كوكتەمىنە جوسپارلانعان.
"كامەنسكوە پلاتو ىقشاماۋدانىندا سۋمەن جابدىقتاۋ جانە سۋ بۇرۋ جەلىلەرىنىڭ جوقتىعىنا قاتىستى ماسەلەلەردى شەشۋ ءۇشىن زەرتتەۋ جۇرگىزىلدى، ونىڭ ناتيجەلەرى بويىنشا قازىرگى جوبانى قۇرىلىس ماتەريالدارىنىڭ قىمباتتاۋىنا، سونداي-اق تاۋلى جەرلەردىڭ كۇردەلى رەلەفىنە بايلانىستى سۋ قۇبىرى جانە كاناليزاتسيا جەلىلەرىن سالۋ بويىنشا تۇزەتۋگە جىبەرۋ تۋرالى شەشىم قابىلداندى. قۇرىلىستى 2023 جىلدىڭ كوكتەمىندە باستاۋدى جوسپارلاپ وتىرمىز", - دەپ مالىمدەدى دوساەۆ.
ونىڭ ايتۋىنشا، سۋ كوزىمەن قامتاماسىز ەتۋ ءۇشىن مۇزتاۋ جانە كولساي ىقشاماۋداندارىندا «بالقاش» جبق-دا نس-2 كەڭەيتۋ جوباسىن ازىرلەپ جاتىر. سونداي-اق مۇزتاۋ مەن كولساي ىقشاماۋدان جالپى ۇزىندىعى 3,8 كم قۇرايتىن ماگيسترالدى سۋ قۇبىرى جەلىسىن قوساتىن قۇرىلىستىڭ جسق ازىرلەنىپ جاتىر، قۇرىلىس-مونتاجداۋ جۇمىستارىنىڭ باستالۋى 2023 جىلدىڭ II توقسانىنا جوسپارلانعان.
"قوسىمشا، اعىمداعى جىلدىڭ سوڭىنا دەيىن سۇلۋساي ىقشاماۋدانداعى سۋمەن جابدىقتاۋ جەلىلەرىنىڭ قۇرىلىسىنا جانە 2 ۇڭعىمانى بۇرعىلاۋعا جسق ازىرلەۋ اياقتالادى. قمج-عا كەلەسى جىلدىڭ كوكتەمىندە كىرىسۋدى جوسپارلاپ وتىرمىز", - دەدى اكىم.
