قىرعىزستاننىڭ ءبىلىم جانە عىلىم ءمينيسترى المازبەك بەيشەناليەۆ ستۋدەنتتەردەن پارا الدى دەگەن كۇدىكپەن ۇستالدى. بۇل تۋرالى ەلدىڭ ىشكى ىستەر مينيسترلىگى حابارلادى، دەپ جازادى "ادىرنا" ۇلتتىق پورتالى.
شەنەۋنىك 110 مىڭ دوللار كولەمىندە پارا العانى ءۇشىن ۇستالدى.
«اسا ءىرى كولەمدە پارا الۋ فاكتىسى بويىنشا تەرگەلىپ جاتقان قىلمىستىق ءىس اياسىندا جەدەل-ىزدەستىرۋ شارالارى جۇرگىزىلدى. ىشكى ىستەر مينيسترلىگىنىڭ قىزمەتكەرلەرى قىرعىز رەسپۋبليكاسىنىڭ ءبىلىم جانە عىلىم ءمينيسترى ا.ب.-نى پارا الۋ كەزىندە ۇستادى. قازىرگى ۋاقىتتا شەتەلدىك ستۋدەنتتەردى وتاندىق جوعارى وقۋ ورىندارىنا قابىلداۋ كەزىندە اسا ءىرى كولەمدە (110 مىڭ اقش دوللارى) پارا الۋ فاكتىسى بويىنشا تەرگەۋ جۇرگىزىلىپ جاتىر»، - دەلىنگەن رەسمي حابارلامادا.
الداعى ۋاقىتتا قىلمىستىق ءىستى تەرگەۋ قورىتىندىسى بويىنشا تولىق اقپارات بەرىلەتىن بولادى.
"ادىرنا" ۇلتتىق پورتالى
