ۋكرايناعا سوعىسقا بارىپ ولسەڭدەر، كۇنالارىڭ كەشىرىلەدى - رەسەيدىڭ باس پاتريارحى

2014
Adyrna.kz Telegram
فوتو: vyatskaya-eparhia.ru
فوتو: vyatskaya-eparhia.ru

ورىس پراۆوسلاۆيە شىركەۋىنىڭ پاتريارحى كيريللدىڭ سوڭعى جەكسەنبىدەگى ۋاعىزى  الەۋمەتتىك جەلىدە تارادى. وندا ول ۋكرايناداعى سوعىس تۋرالى ايتا وتىرىپ، رەسەيلىكتەرگە قۇرباندىق «اسكەري قىزمەتتەگى بارلىق كۇنالاردى جۋادى» دەپ ايتتى، دەپ حابارلايدى “ادىرنا” ۇلتتىق پورتالى.

“بۇگىنگى تاڭدا كوپتەگەن ادامدار ىشكى سوعىس دالاسىندا قىرىلىپ جاتقانىن بىلەمىز. شىركەۋ بۇل سوعىستىڭ مۇمكىندىگىنشە تەزىرەك اياقتالۋىن، بۇل سوعىستا مۇمكىندىگىنشە از باۋىرلاستاردىڭ ءبىر-ءبىرىن ءولتىرۋىن سۇرايدى.

سونىمەن قاتار، ەگەر بىرەۋ پارىز سەزىمىنە، انت ورىنداۋ قاجەتتىلىگىنە جەتەلەيتىن بولسا، ءوز شاقىرۋىنا ادال بولىپ قالسا جانە اسكەري بورىشىن وتەۋ كەزىندە قايتىس بولسا، باسقالار ءۇشىن ءوزىن قۇربان ەتسە، ءسوزسىز بۇل قۇرباندىق ادامنىڭ جاساعان بارلىق كۇنالارىن جۋادى دەپ ەسەپتەيمىز”،- دەدى ورىس پراۆوسلاۆيە شىركەۋىنىڭ پاتريارحى كيريلل.

”ادىرنا” ۇلتتىق پورتالى 

پىكىرلەر