جازۋشى، "قازاق ادەبيەتى" گازەتىنىڭ باس رەداكتورى داۋرەن قۋات موبيليزاتسيا، ەل مەن جەر، ۇلتتىق مۇددە جايىنا قاتىستى ماسەلە كوتەرىپ، قوعامعا وي سالدى دەپ حابارلايدى "ادىرنا" ۇلتتىق پورتالى.
شىعارمالارىنان قازاقىلىقتىڭ ءيسى اڭقىعان ازامات ءوز جازباسىندا:
"قازاقستاننىڭ تەمىرجول ۆوكزالدارىندا رەسەيدەن قاشىپ، بوسىپ كەلىپ جاتقانداردىڭ الدىنان ىستىق باۋىرساق پەن بۋى بۇرقىراعان ىستىق شاي الىپ شىعىپ قارسى الۋشىلار كوبەيىپتى. نە دەگەن قوناقجايلىلىق، نەتكەن دارحاندىق دەسەڭشى؟!. وسىلار وسى ىستەرىمەن قر قۇىق بۇزۋشىلىق اكىمشىلىك كودەكسىنە قارسى ارەكەت جاساپ جۇرگەندەرىن بىلە مە ەكەن ءوزى؟" - دەپ ءوز ويىن جەتكىزدى.
سونىمەن قاتار، موبيليزاتسيادان قاشقاندار مەن الىستان اتاجۇرتىن اڭساپ كەلەتىن قانداستار جاعدايىن سالىستىرىپ، ازاماتتىق ۇستانىمىن جەتكىزدى:
"ويعا تۇسەدى. وزبەكستاننان، قىتاي مەن موڭعوليادان، يراننان قانشا قازاق زاڭدى تۇردە كوشىپ كەلدى. سولاردىڭ الدىنان قۇشاعىن جايىپ، اڭقىلداپ شىققان قازاق، ءيا، ەلىمىزدە جاسايتىن وزگە ۇلت وكىلى بولدى ما؟ قانداستارىمىز ءجۇر قازاقستاننىڭ "جەتى باستى" ايداھارلارى كۇزەتەتىن كەڭسەلەرگە كىرە الماي، كىرسە، شارۋاسىن بىتىرە الماي.اۋ، دارحان جۇرەكتى، اسا قوناقجاي حالقىم! وزگەگە كول بولىپ، وزىڭە كەلگەندە نەگە ءشول بولا قالاسىڭ؟ الدە قۇلدىعىڭ ويىڭا ورالىپ، قۇرداي جورعالاتىپ جىبەرە مە سەنى؟ سولاي سياقتى..." - دەپ ناقتىلادى اۆتور.
اۆتوردىڭ ۋاجىنە قاتىستى " مىنە، ءبىزدىڭ سانامىزدى ابدەن ۋلاعانى سونشا، جاۋىڭ قايسى دوسىڭ قايسىسى ەكەنىن اجىراتا المايتىن حالگە جەتكەنىمىزدىڭ دالەلى", "جات تىلدە سويلەپ، تاربيە العاندار ەل-جۇرت قانداس دەگەن ۇعىمعا جات قيمىلدار جاسايدى" دەگەن سىندى پىكىر ءبىلدىردى وقىرماندار.
"ادىرنا" ۇلتتىق پورتالى
