وقۋ-اعارتۋ مينيسترلىگى 1450 ءنومىرى بويىنشا ءبىلىم بەرۋ ماسەلەلەرى جونىندەگى بىرىڭعاي بايلانىس ورتالىعىنىڭ جۇمىسىن ۇيىمداستىردى. بۇل تۋرالى قر وقۋ-اعارتۋ مينيسترلىگى حابارلادى دەپ جازادى "ادىرنا" ۇلتتىق پورتالى.
بايلانىس ورتالىعى جۇمىس كۇندەرى ساعات 9.00-دەن 18.30-عا دەيىن جۇمىس ىستەيدى. دەمالىس كۇندەرى – سەنبى جانە جەكسەنبى.
وڭىرلىك ءبىلىم باسقارمالارى بىرىڭعاي بايلانىس ورتالىعىنا ەكىنشى جەلى ارقىلى قوسىلعان. جەرگىلىكتى اتقارۋشى ورگانداردىڭ قۇزىرەتىنە جاتاتىن ماسەلەلەر ونى شەشۋ ءۇشىن بىردەن ءبىلىم باسقارمالارىنا جىبەرىلەدى.
بۇگىنگى تاڭدا بايلانىس ورتالىعىنا 1 200-دەن استام قوڭىراۋ ءتۇستى. كوبىنەسە ازاماتتاردى بالاباقشادان ورىن الۋ ءۇشىن كەزەككە قالاي تۇرۋ كەرەگى قىزىقتىرادى. بۇل ماسەلە بويىنشا تۇسىندىرمە جۇمىستارىن جەرگىلىكتى اتقارۋشى ورگانداردىڭ وكىلدەرى جۇرگىزەدى.
سونداي-اق ەڭ وزەكتى تاقىرىپتار ءبىلىم تۋرالى قۇجاتتاردى قالپىنا كەلتىرۋ، مەكتەپتەگى تاماقتاندىرۋ ماسەلەسى، بالالاردى ءبىر مەكتەپتەن ەكىنشىسىنە اۋىستىرۋعا قاتىستى.
"ادىرنا" ۇلتتىق پورتالى
