Oqý-aǵartý mınıstrligi 1450 nómiri boıynsha bilim berý máseleleri jónindegi Biryńǵaı baılanys ortalyǵynyń jumysyn uıymdastyrdy. Bul týraly QR Oqý-aǵartý mınıstrligi habarlady dep jazady "Adyrna" ulttyq portaly.
Baılanys ortalyǵy jumys kúnderi saǵat 9.00-den 18.30-ǵa deıin jumys isteıdi. Demalys kúnderi – senbi jáne jeksenbi.
Óńirlik bilim basqarmalary Biryńǵaı baılanys ortalyǵyna ekinshi jeli arqyly qosylǵan. Jergilikti atqarýshy organdardyń quzyretine jatatyn máseleler ony sheshý úshin birden bilim basqarmalaryna jiberiledi.
Búgingi tańda baılanys ortalyǵyna 1 200-den astam qońyraý tústi. Kóbinese azamattardy balabaqshadan oryn alý úshin kezekke qalaı turý keregi qyzyqtyrady. Bul másele boıynsha túsindirme jumystaryn jergilikti atqarýshy organdardyń ókilderi júrgizedi.
Sondaı-aq eń ózekti taqyryptar bilim týraly qujattardy qalpyna keltirý, mekteptegi tamaqtandyrý máselesi, balalardy bir mektepten ekinshisine aýystyrýǵa qatysty.
"Adyrna" ulttyq portaly