Almatyda qaıtys bolǵan marafonshy «Samrýk Energo» dırektory bolyp shyqty. Bul týraly «Samuryq-Qazyna» qory búgin marafonda qaza tapqan jelaıaqtyń «Samrýk Energo» jáne «QazaqGaz» kompanııalarynyń táýelsiz dırektory Rústem Sadyqov ekenin rastady.
«Rústem Ǵalymuly tabysty mansap jolynan ótti, joǵary bilimdi tamasha maman boldy, halyqaralyq kompanııalarda tájirıbesi bar. Ol áriptesteriniń esinde senimdi basshy jáne óz isine adal qyzmetker retinde máńgi saqtalady. Ol kisiniń orny biz úshin erekshe» delingen qor habarlamasynda.
Aıta keteıik, Sadyqov búgin Almaty marafonyna qatysqan bolatyn. Ol 10 shaqyrymǵa júgirip, máre syzyǵyn baǵyndyrǵannan keıin birden jerge qulap, qaıtys boldy. Sadyqov nebári 47 jasta edi.
