قازاقستان رەسپۋبليكاسى سىبايلاس جەمقورلىققا قارسى ءىس-قيمىل اگەنتتىگى قايرات ساتىبالدىۇلىنا قاتىستى بيۋدجەتكە تولەنەتىن باسقا دا مىندەتتى تولەمدەردى تولەۋدەن جالتارۋ، سونداي-اق قىلمىستىق جولمەن الىنعان اقشانى جانە وزگە دە مۇلىكتى زاڭداستىرۋ (جىلىستاتۋ) فاكتىلەرى بويىنشا سوتقا دەيىنگى تەرگەۋدى جالعاستىرۋدا. سونداي-اق، قايرات ساتىبالدىۇلىنىڭ ەسەپشوتىنان 37 ميلليارد تەڭگە شەشكەن سىبايلاسىنا ىزدەۋ جاريالادى، دەپ حابارلايدى “ادىرنا” ۇلتتىق پورتالى.
تەرگەۋ بارىسىندا ق. ساتىبالدىۇلىنىڭ اسا سەنىمدى ادامى - قازاقستان ازاماتى 1983 جىلعى ەفەندي كەمال بىرقاتار كوممەرتسيالىق كاسىپورىنداردىڭ قۇرىلتايشىسى جانە ديرەكتورى انىقتالدى.
ەفەنديدىڭ قىلمىستىق ءرولى كەدەن سالاسىنداعى ماسەلەلەردى شەشۋ، قىلمىستىق جولمەن الىنعان اقشانى جانە باسقا دا مۇلىكتى زاڭداستىرۋ (جىلىستاتۋ) بولدى.
ول ساتىبالدىۇلى بەرگەن سەنىمحاتى نەگىزىندە مىسالى، ءبىر ەپيزود بويىنشا عانا 2018 جىلى 3 كۇن ىشىندە ق.ساتىبالدىۇلىنىڭ جەكە شوتىنان قولما-قول 37 ملرد. تەڭگە جانە 62 ملن. اقشا العان.
اقپان ايىنان بەرى ەفەندي قازاقستاننان تىس جەرلەردە جاسىرىنىپ، قىلمىستىق قۋدالاۋ ورگانىنا كەلۋدەن جالتارىپ ءجۇر. ىزدەۋ جاريالانىپ، سوتقا دەيىنگى تەرگەۋ جالعاسۋدا.
