نۇر-سۇلتان قالاسىنىڭ مامانداندىرىلعان اۋدانارالىق تەرگەۋ سوتىنىڭ شەشىمىمەن قايرات بورانباەۆ پەن قايرات ساتىبالدىۇلىن كۇزەتپەن ۇستاۋ مەرزىمى تاعى سوزىلدى، دەپ حابارلايدى “ادىرنا” ۇلتتىق پورتالى.
"2022 جىلعى 8 ماۋسىمدا نۇر-سۇلتان قالاسىنىڭ مامانداندىرىلعان اۋدانارالىق تەرگەۋ سوتى كۇدىكتى قايرات ساتىبالدىۇلىنا قاتىستى بەلگىلەنگەن كۇزەتپەن ۇستاۋ تۇرىندەگى بۇلتارتپاۋ شاراسىنىڭ مەرزىمىن 1 ايعا ۇزارتتى", – دەلىنگەن اقپاراتتا.
سونىمەن قاتار ۆەدومستۆو ءدال سول كۇنى كۇدىكتى قايرات بورانباەۆقا قاتىستى دا بەلگىلەنگەن قاماۋدا ۇستاۋ تۇرىندەگى بۇلتارتپاۋ شاراسىنىڭ مەرزىمى 1 ايعا سوزىلعانىن اتاپ وتەدى.
ال 7 ماۋسىمدا نۇر-سۇلتان قالاسىنىڭ مامانداندىرىلعان اۋدانارالىق تەرگەۋ سوتى كۇدىكتى گۇلميرا ساتىبالدىعا قاتىستى بەلگىلەنگەن قاماۋ مەرزىمىن 1 ايعا ۇزارتقان.
ەسكە سالا كەتسەك، سىبايلاس جەمقورلىققا قارسى قىزمەت لاۋازىمدىق وكىلەتتىكتەرىن اسىرا پايدالانۋ جانە "قازاقتەلەكوم" اق قاراجاتىن اسا ءىرى كولەمدە ۇرلاۋ فاكتىلەرى بويىنشا قىلمىستىق ءىستى تەرگەپ جاتىر. اتالعان قىلمىستاردى جاسادى دەگەن كۇدىكپەن قايرات ساتىبالدىۇلى ۇستالىپ، ۋاقىتشا ۇستاۋ يزولياتورىنا قامالدى.
قارجىلىق مونيتورينگ اگەنتتىگى قايرات بورانباەۆقا كۆازيمەملەكەتتىك سەكتوردا اسا ءىرى كولەمدە قاراجات جىمقىرۋ فاكتىسى بويىنشا ءىس قوزعاپ، ۋاقىتشا ۇستاۋ يزولياتورىنا قاماعان بولاتىن.
سونداي-اق گۇلميرا ساتىبالدىنىڭ ۇستىنەن 2019 جىلى "الماتى قالاسىنداعى 2017 جىلعى ۋنيۆەرسيادا" نىساندارى قۇرىلىس-مونتاج جۇمىستارىنىڭ ناقتى ورىندالماعان مىندەتتەرى ءۇشىن تولەنگەن اسا ءىرى مولشەردە بيۋدجەت قاراجاتىن جىمقىرۋ فاكتىسى بويىنشا سوتقا دەيىنگى تەرگەۋ ءجۇرىپ جاتىر.
”ادىرنا” ۇلتتىق پورتالى
