قايرات ساتىبالدىعا تيەسىلى «بايسات» بازارىنىڭ ءبىر بولىگى مەملەكەتكە قايتارىلدى. بۇل شەشىمدى الماتى قالاسىنىڭ مامانداندىرىلعان اۋدانارالىق ەكونوميكالىق سوتى قابىلدادى، دەپ حابارلايدى “ادىرنا” ۇلتتىق پورتالى.
«2024 جىلدىڭ 17 قاڭتارىندا الماتى قالاسىنىڭ مامانداندىرىلعان اۋدانارالىق ەكونوميكالىق سوتىنىڭ «الماتى جىلۋ» حولدينگ كەشەنىنىڭ («بايسات» بازارى) مۇلكىمەن جاسالعان بارلىق مامىلەنى جارامسىز دەپ تانۋ تۋرالى شەشىمى زاڭدى كۇشىنە ەندى»، - دەلىنگەن حابارلامادا.
سوتتا قىزمەت بەيىنىن ساقتاۋ جانە يەلىكتەن شىعارۋعا تىيىم سالۋ تۋرالى شارتتىڭ تالاپتارىن ساقتاماي، كەشەندى زاڭسىز ساتۋ فاكتىلەرى راستالعانى ايتىلدى. مىندەتتى ساتۋ شارتىنسىز 4 جىل بۇرىنعى مۇلىكتى باعالاۋ تۋرالى وزەكسىز ەسەپ كورسەتىلگەن.
“جالپى اۋدانى 4 221,4 م2 3 وبەكتىدەن جانە 1,4 گا جەردەن تۇراتىن مۇلىك باۋىرجان نۇرسۇلتانعا (قايرات ساتىبالدى ۇلى) تيەسىلى "قازگەرستروي بىرلەسكەن كاسىپورنى" جشس جانە "Astana Finansial Group" جشس ءوزارا ۇلەستەس كومپانيالارىنىڭ مەنشىگىندە بولعان»، - دەپ حابارلادى پروكۋرورلار.
ايتا كەتەيىك، سوتقا دەيىنگى تەرگەۋ كەزىندە قايرات ساتىبالدى «بايسات» بازارىنىڭ ءبىراز بولىگىن ءوز ەركىمەن قايتارعان بولاتىن.
“ادىرنا” ۇلتتىق پورتالى
