Qazaqstan Respýblıkasy Sybaılas jemqorlyqqa qarsy is-qımyl agenttigi Qaırat Satybaldyulyna qatysty bıýdjetke tólenetin basqa da mindetti tólemderdi tóleýden jaltarý, sondaı-aq qylmystyq jolmen alynǵan aqshany jáne ózge de múlikti zańdastyrý (jylystatý) faktileri boıynsha sotqa deıingi tergeýdi jalǵastyrýda. Sondaı-aq, Qaırat Satybaldyulynyń esepshotynan 37 mıllıard teńge sheshken sybaılasyna izdeý jarııalady, dep habarlaıdy “Adyrna” ulttyq portaly.
Tergeý barysynda Q. Satybaldyulynyń asa senimdi adamy - Qazaqstan azamaty 1983 jylǵy Efendı Kemal birqatar kommerııalyq kásiporyndardyń quryltaıshysy jáne dırektory anyqtaldy.
Efendıdiń qylmystyq róli keden salasyndaǵy máselelerdi sheshý, qylmystyq jolmen alynǵan aqshany jáne basqa da múlikti zańdastyrý (jylystatý) boldy.
Ol Satybaldyuly bergen senimhaty negizinde mysaly, bir epızod boıynsha ǵana 2018 jyly 3 kún ishinde Q.Satybaldyulynyń jeke shotynan qolma-qol 37 mlrd. teńge jáne 62 mln. aqsha alǵan.
Aqpan aıynan beri Efendı Qazaqstannan tys jerlerde jasyrynyp, qylmystyq qýdalaý organyna kelýden jaltaryp júr. Izdeý jarııalanyp, sotqa deıingi tergeý jalǵasýda.
