رۋحتى اقىن، "شىڭعا ىلىنگەن جەتىم جۇلدىز", "شامدالداعى نۇر", "ارۋانا", "جۇلدىزداردىڭ جۇپارى» جىر جيناقتارىنىڭ اۆتورى سۆەتقالي نۇرجان رەسەيلىك ازاماتتاردىڭ قازاقستانعا قاراي ۇدەرە كوشۋىنە قاتىستى ازاماتتىق پىكىر ءبىلدىردى، دەپ حابارلايدى "ادىرنا" ۇلتتىق پورتالى.
- مەن سۆەتقالي نۇرجان - قازاق قالامگەرىمىن. اي استىندا قازاقيانىڭ دۇنيە تۇرعانشا تۇرۋىن جاتپاي-تۇرماي تىلەيتىن ءپارۋانانىڭ ءبىرىمىن. بۇگىنگى تاڭنىڭ اقيقاتى - رەسەيدەن تاسقىنداپ قۇيىلىپ جاتقان قارا توپاننان دارا وتاندى قورعاپ قالۋ - پرەزيدەنتتەن باستاپ، كەز كەلگەن ءوزىن قازاق سەزىنەتىن پەرزەنتتىڭ قاسيەتتى پارىزى!
اقىن سۆەتقالي نۇرجان ۇدايى ەلىمىزدەگى قوعامدىق-cاياسي وزگەرىستەرگە، الەۋمەتتىك پروبلەمالارعا قاتىستى ءوزىنىڭ ازاماتتىق ۇستانىمىن اشىق ايتىپ كەلەدى.
- ءوز ەلىنىڭ زاڭىنا باعىنۋ - ءار ادامنىڭ مىندەتى، سوندىقتان قىسىلشاڭدا وتانىن تاستاپ قاشقاندار ءبىزدى قارقاللازي [قارق] قىلمايدى. ونسىز دا قاسيەتتى تىلىمىزگە قاتەر ءتونىپ، جۇمىسسىزدىق پەن قىمباتشىلىق قابىنداپ تۇرعاندا بۇل ىلايلى تاسقىن جىعىلعانعا جۇدىرىق بولۋدا. سوندىقتان بارلىق حالىقارالىق، مەملەكەتتىك زاڭدار مەن زاڭدىلىقتاردى ىسكە قوسىپ، جەدەل توسقاۋىل قويۋدى تالاپ ەتەمىن! - دەپ جازدى اقىن.
