Rýhty aqyn, "Shyńǵa ilingen jetim juldyz", "Shamdaldaǵy nur", "Arýana", "Juldyzdardyń jupary» jyr jınaqtarynyń avtory Svetqalı Nurjan reseılik azamattardyń Qazaqstanǵa qaraı údere kóshýine qatysty azamattyq pikir bildirdi, dep habarlaıdy "Adyrna" ulttyq portaly.
- Men Svetqalı Nurjan - qazaq qalamgerimin. Aı astynda Qazaqııanyń dúnıe turǵansha turýyn jatpaı-turmaı tileıtin párýananyń birimin. Búgingi tańnyń aqıqaty - Reseıden tasqyndap quıylyp jatqan qara topannan dara Otandy qorǵap qalý - Prezıdentten bastap, kez kelgen ózin qazaq sezinetin perzenttiń qasıetti paryzy!
Aqyn Svetqalı Nurjan udaıy elimizdegi qoǵamdyq-caıası ózgeristerge, áleýmettik problemalarǵa qatysty óziniń azamattyq ustanymyn ashyq aıtyp keledi.
- Óz eliniń zańyna baǵyný - ár adamnyń mindeti, sondyqtan qysylshańda otanyn tastap qashqandar bizdi qarqallázı [qarq] qylmaıdy. Onsyz da qasıetti tilimizge qater tónip, jumyssyzdyq pen qymbatshylyq qabyndap turǵanda bul ylaıly tasqyn jyǵylǵanǵa judyryq bolýda. Sondyqtan barlyq halyqaralyq, memlekettik zańdar men zańdylyqtardy iske qosyp, jedel tosqaýyl qoıýdy talap etemin! - dep jazdy aqyn.
