Qazaqstan qarýly kúshteri Ujymdyq qaýipsizdik sharty uıymyna múshe eldermen birlesip jattyǵý ótkizedi dep habarlady "Adyrna" ulttyq portaly.
Jıyn qazan aıynyń basynda elimizdiń ońtústik-shyǵys aımaqtarynda, atap aıtqanda Jambyl jáne Almaty oblystarynda ótedi. Bul týraly Qorǵanys mınıstrliginiń baspasóz qyzmeti málimdedi.
Elimizde jedel den qoıý ujymdyq kúshteriniń «Ózara is-qımyl – 2022» komandalyq-shtabtyq oqý-jattyǵýlary, barlaý kúshteri men quraldarynyń «Izdeý – 2022» arnaıy oqý-jattyǵýy jáne materıaldyq-tehnıkalyq qamtamasyz etý bólimsheleriniń «Eshelon – 2022» arnaıy oqý-jattyǵýy ótedi dep josparlanǵan. Jedel óristetý ujymdyq kúshteriniń oqý-jattyǵý jıyny 26 qyrkúıekte bastalyp, 8 qazanǵa deıin sozylmaq.
"Áskerı qurylymdardyń kóship-qonýy, bir mekennen ekinshi bir mekenge oryn aýystyrýyn qamtamasyz etý úshin kommendanttyq qyzmet uıymdastyrylady, - delingen málimdemede.
Is-sharalar UQShU Ujymdyq qaýipsizdik júıesiniń maqsaty boıynsha tapsyrmalardy oryndaýǵa daıyndyǵyn arttyrýǵa baǵyttalǵan.
