مەملەكەت باسشىسى قاسىم-جومارت توقاەۆ ءوزىنىڭ قازاق حالقىنا جولداۋىندا 2025 جىلعا دەيىن قايتا وڭدەۋ ونەركاسىبىنىڭ ەكسپورتىن 1,5 ەسەگە كوبەيتۋدى تاپسىرعان ەدى. وسىعان وراي، جەر –جەردە يندۋستريالدى ايماقتىڭ جۇمىسى جاندانعان بولاتىن. بۇل قاتاردا الماتى قالاسىدا بار, دەپ حابارلايدى " ادىرنا" ءتىلشىسى.
الماتىداعى ءوندىرىسى الەۋەتىنىڭ ارتۋىنىنىڭ ءبىر عانا دالەلى شاھارداعى يندۋستريالدى ايماقتا ەكى كاسىپورىننىڭ ىسكە قوسىلۋى. قوس كاسىپورىننىڭ اشىلۋىنا قالا اكىمى ەربولات دوساەۆ ارنايى قاتىستى.
الماتىدا بىردەن ەكى كاسىپورىننىڭ – تاۋ-كەن ءوندىرۋ جابدىقتارىن ءوندىرۋ جانە قىزمەت كورسەتۋ سالاسىنداعى الەمدىك كوشباسشىنىڭ سۋپەرسەرۆيسى Weir Minerals جانە دياگنوستيكالىق تەست-جۇيەلەرىن وندىرەتىن «قاز-ديا-تەست»جشس-گى ىسكە قوسىلدى.
Weir Minerals كومپانياسىنىڭ الەمدىك كوشباسشىسىنىڭ سۋپەر سەرۆيسىن كazstroy Trade جشس الماتى يندۋستريالدى ايماعىنداعى شاعىن ونەركاسىپ ساياباعىندا جۇزەگە اسىرادى. 2450 شارشى مەتر الاڭدا ەنەرگەتيكالىق سەكتور، تاۋ-كەن ءوندىرۋ سالاسى جانە جالپى ماقساتتاعى ونەركاسىپ ءۇشىن شلام جابدىعىن شىعارۋ جوسپارلانۋدا: سورعىلار، گيدروتسيكلوندار، كلاپاندار، ەلەۋگە ارنالعان جابدىق، رەزەڭكە جانە توزۋعا ءتوزىمدى فۋتەروۆكالار. جوسپارلانعان وندىرىستىك قۋاتى – جىلىنا 600 بىرلىك ءونىم. جوباعا سالىنعان جالپى ينۆەستيتسيا 1,25 ملرد تەڭگەنى قۇرادى. كاسىپورىن 60-تان استام جاڭا جۇمىس ورنىن اشادى.
جوبانى ىسكە اسىرۋ ءوز قىزمەتىندە تاۋ-كەن ءوندىرۋ جابدىعىن قولداناتىن ءىرى كومپانيالاردىڭ سۇرانىسىن قاناعاتتاندىرۋعا مۇمكىندىك بەرەدى.
«بۇل – ورتالىق ازياداعى العاشقى زاۋىت. Weir Minerals-تىڭ KAZAX Minerals جانە Kazzinc سياقتى قازاقستاندىق كومپانيالارمەن سەرىكتەس ءارى مول تاجىريبەسى بار. Weir Minerals جابدىقتارى بۇرىننان قالىپتاسقان جانە جەرگىلىكتى مىس شاحتالارىندا سەنىمدى جۇمىس ىستەيدى. ەندى وتاندىق كومپانيالاردىڭ قۇرال-جابدىقتاردى ساتىپ الۋعا جانە قىزمەت كورسەتۋگە مۇمكىندىگى بولادى»، - دەدى ەربولات دوساەۆ ءوزىنىڭ قۇتتىقتاۋ سوزىندە.
قالا باسشىسى سونداي-اق«قاز-ديا-تەست»جشسزاۋىتىنىڭ اشىلۋىنا قاتىستى، ول تەست-جۇيەنىڭ 4 ءتۇرىن: ەكسپرەسس-تەست، پتر-تەست، يفت-تەست، پەتري توستاعانىن شىعاراتىن بولادى. زاۋىتتىڭ قۋاتتىلىعى – جىلىنا1,83 ملن تەست.جوبانىڭ قۇنى –4,6 ملرد تەڭگە، ونىڭ 50%-ى – ءوز قاراجاتى، 50%-ى – قارىز قاراجاتى.65 جاڭا جۇمىس ورنىن قۇرۋ جوسپارلانىپ وتىر.
«مۇنداي جوبانى ىسكە اسىرۋ، اسىرەسە سوڭعى جىلدارداعى ەپيدەميولوگيالىق جاعدايدى ەسكەرە وتىرىپ، دەر كەزىندەگى ءارى وزەكتى شەشىم بولىپ تابىلادى. كوروناۆيرۋس پاندەمياسى «باستى بايلىق – دەنساۋلىق» ەكەنىن ناقتى كورسەتتى. سوندىقتان جەكە تەستىلەۋ جۇيەلەرىنىڭ بولۋى – الماتى قالاسى عانا ەمەس، بۇكىل قازاقستان جانە جالپى دەنساۋلىق ساقتاۋ جۇيەسى ءۇشىن ماڭىزدى قادام», - دەدى قالا باسشىسى كاسىپورىننىڭ اشىلۋ سالتاناتىندا.
ەربولات دوساەۆ يندۋستريالدى ايماقتىڭ باسقارۋشى كومپانياسىنا وندىرىستىك كاسىپورىنداردىڭ جۇمىسى ءۇشىن بارىنشا قولايلى جاعداي جاساۋدى تاپسىردى
