Memleket basşysy Qasym-Jomart Toqaev özınıŋ qazaq halqyna joldauynda 2025 jylǧa deiın qaita öŋdeu önerkäsıbınıŋ eksportyn 1,5 esege köbeitudı tapsyrǧan edı. Osyǧan orai, jer –jerde industrialdy aimaqtyŋ jūmysy jandanǧan bolatyn. Būl qatarda Almaty qalasyda bar, dep habarlaidy " Adyrna" tılşısı.
Almatydaǧy öndırısı äleuetınıŋ artuynynyŋ bır ǧana dälelı şahardaǧy industrialdy aimaqta ekı käsıporynnyŋ ıske qosyluy. Qos käsıporynnyŋ aşyluyna qala äkımı Erbolat Dosaev arnaiy qatysty.
Almatyda bırden ekı käsıporynnyŋ – tau-ken öndıru jabdyqtaryn öndıru jäne qyzmet körsetu salasyndaǧy älemdık köşbasşynyŋ superservisı Weir Minerals jäne diagnostikalyq test-jüielerın öndıretın «Qaz-Dia-Test»JŞS-gı ıske qosyldy.
Weir Minerals kompaniiasynyŋ älemdık köşbasşysynyŋ super servisın Kazstroy Trade JŞS Almaty industrialdy aimaǧyndaǧy şaǧyn önerkäsıp saiabaǧynda jüzege asyrady. 2450 şarşy metr alaŋda energetikalyq sektor, tau-ken öndıru salasy jäne jalpy maqsattaǧy önerkäsıp üşın şlam jabdyǧyn şyǧaru josparlanuda: sorǧylar, gidrosiklondar, klapandar, eleuge arnalǧan jabdyq, rezeŋke jäne tozuǧa tözımdı futerovkalar. Josparlanǧan öndırıstık quaty – jylyna 600 bırlık önım. Jobaǧa salynǧan jalpy investisiia 1,25 mlrd teŋgenı qūrady. Käsıporyn 60-tan astam jaŋa jūmys ornyn aşady.
Jobany ıske asyru öz qyzmetınde tau-ken öndıru jabdyǧyn qoldanatyn ırı kompaniialardyŋ sūranysyn qanaǧattandyruǧa mümkındık beredı.
«Būl – Ortalyq Aziiadaǧy alǧaşqy zauyt. Weir Minerals-tyŋ KAZAX Minerals jäne Kazzinc siiaqty qazaqstandyq kompaniialarmen serıktes ärı mol täjıribesı bar. Weir Minerals jabdyqtary būrynnan qalyptasqan jäne jergılıktı mys şahtalarynda senımdı jūmys ısteidı. Endı otandyq kompaniialardyŋ qūral-jabdyqtardy satyp aluǧa jäne qyzmet körsetuge mümkındıgı bolady», - dedı Erbolat Dosaev özınıŋ qūttyqtau sözınde.Qala basşysy sondai-aq«Qaz-Dia-Test»JŞSzauytynyŋ aşyluyna qatysty, ol test-jüienıŋ 4 türın: ekspress-test, PTR-test, İFT-test, Petri tostaǧanyn şyǧaratyn bolady. Zauyttyŋ quattylyǧy – jylyna1,83 mln test.Jobanyŋ qūny –4,6 mlrd teŋge, onyŋ 50%-y – öz qarajaty, 50%-y – qaryz qarajaty.65 jaŋa jūmys ornyn qūru josparlanyp otyr.
«Mūndai jobany ıske asyru, äsırese soŋǧy jyldardaǧy epidemiologiialyq jaǧdaidy eskere otyryp, der kezındegı ärı özektı şeşım bolyp tabylady. Koronavirus pandemiiasy «Basty bailyq – densaulyq» ekenın naqty körsettı. Sondyqtan jeke testıleu jüielerınıŋ boluy – Almaty qalasy ǧana emes, bükıl Qazaqstan jäne jalpy densaulyq saqtau jüiesı üşın maŋyzdy qadam», - dedı qala basşysy käsıporynnyŋ aşylu saltanatynda.Erbolat Dosaev industrialdy aimaqtyŋ basqaruşy kompaniiasyna öndırıstık käsıporyndardyŋ jūmysy üşın barynşa qolaily jaǧdai jasaudy tapsyrdy
Ūqsas jaŋalyqtar
