Memleket basshysy Qasym-Jomart Toqaev óziniń qazaq halqyna joldaýynda 2025 jylǵa deıin qaıta óńdeý ónerkásibiniń eksportyn 1,5 esege kóbeıtýdi tapsyrǵan edi. Osyǵan oraı, jer –jerde ındýstrıaldy aımaqtyń jumysy jandanǵan bolatyn. Bul qatarda Almaty qalasyda bar, dep habarlaıdy " Adyrna" tilshisi.
Almatydaǵy óndirisi áleýetiniń artýynynyń bir ǵana dáleli shahardaǵy ındýstrıaldy aımaqta eki kásiporynnyń iske qosylýy. Qos kásiporynnyń ashylýyna qala ákimi Erbolat Dosaev arnaıy qatysty.
Almatyda birden eki kásiporynnyń – taý-ken óndirý jabdyqtaryn óndirý jáne qyzmet kórsetý salasyndaǵy álemdik kóshbasshynyń sýperservısi Weir Minerals jáne dıagnostıkalyq test-júıelerin óndiretin «Qaz-Dıa-Test»JShS-gi iske qosyldy.
Weir Minerals kompanııasynyń álemdik kóshbasshysynyń sýper servısin Kazstroy Trade JShS Almaty ındýstrıaldy aımaǵyndaǵy shaǵyn ónerkásip saıabaǵynda júzege asyrady. 2450 sharshy metr alańda energetıkalyq sektor, taý-ken óndirý salasy jáne jalpy maqsattaǵy ónerkásip úshin shlam jabdyǵyn shyǵarý josparlanýda: sorǵylar, gıdroıklondar, klapandar, eleýge arnalǵan jabdyq, rezeńke jáne tozýǵa tózimdi fýterovkalar. Josparlanǵan óndiristik qýaty – jylyna 600 birlik ónim. Jobaǵa salynǵan jalpy ınvestıııa 1,25 mlrd teńgeni qurady. Kásiporyn 60-tan astam jańa jumys ornyn ashady.
Jobany iske asyrý óz qyzmetinde taý-ken óndirý jabdyǵyn qoldanatyn iri kompanııalardyń suranysyn qanaǵattandyrýǵa múmkindik beredi.
«Bul – Ortalyq Azııadaǵy alǵashqy zaýyt. Weir Minerals-tyń KAZAX Minerals jáne Kazzinc sııaqty qazaqstandyq kompanııalarmen seriktes ári mol tájirıbesi bar. Weir Minerals jabdyqtary burynnan qalyptasqan jáne jergilikti mys shahtalarynda senimdi jumys isteıdi. Endi otandyq kompanııalardyń qural-jabdyqtardy satyp alýǵa jáne qyzmet kórsetýge múmkindigi bolady», - dedi Erbolat Dosaev óziniń quttyqtaý sózinde.
Qala basshysy sondaı-aq«Qaz-Dıa-Test»JShSzaýytynyń ashylýyna qatysty, ol test-júıeniń 4 túrin: ekspress-test, PTR-test, IFT-test, Petrı tostaǵanyn shyǵaratyn bolady. Zaýyttyń qýattylyǵy – jylyna1,83 mln test.Jobanyń quny –4,6 mlrd teńge, onyń 50%-y – óz qarajaty, 50%-y – qaryz qarajaty.65 jańa jumys ornyn qurý josparlanyp otyr.
«Mundaı jobany iske asyrý, ásirese sońǵy jyldardaǵy epıdemıologııalyq jaǵdaıdy eskere otyryp, der kezindegi ári ózekti sheshim bolyp tabylady. Koronavırýs pandemııasy «Basty baılyq – densaýlyq» ekenin naqty kórsetti. Sondyqtan jeke testileý júıeleriniń bolýy – Almaty qalasy ǵana emes, búkil Qazaqstan jáne jalpy densaýlyq saqtaý júıesi úshin mańyzdy qadam», - dedi qala basshysy kásiporynnyń ashylý saltanatynda.
Erbolat Dosaev ındýstrıaldy aımaqtyń basqarýshy kompanııasyna óndiristik kásiporyndardyń jumysy úshin barynsha qolaıly jaǵdaı jasaýdy tapsyrdy
