ۋكراينا پرەزيدەنتى ۆلاديمير زەلەنسكي رەسەي ازاماتتارىنا ۇندەۋ جاسادى. ول كرەمل جاريالاعان موبيليزاتسيا ەل اسكەرىنىڭ ساتسىزدىگىن كورسەتەتىنىن اتاپ ءوتتى، دەپ حابارلايدى «ادىرنا» ءتىلشىسى.
«6 ايدىڭ ىشىندە 55 مىڭ ورىس جاۋىنگەرى قازا تاپتى. ون مىڭداعان ادام جارالاندى، مۇگەدەك بولدى. ستاتيستيكانىڭ ودان ءارى وسكەنىن قالايسىز با؟ جوق؟ وندا نارازىلىققا شىعىڭىزدار. ەلدەن كەتىڭىزدەر يا بىزگە بەرىلىڭىزدەر. بۇل امان قالۋدىڭ نۇسقالارى. رەسەيدە ەر ادامداردا ءولۋ نەمەسە ءومىر ءسۇرۋ دەگەن تاڭداۋ بار. ال ايەلدەر نە كۇيەۋلەرىن، ۇلدارىن، نەمەرەلەرىن ماڭگىلىككە جوعالتادى، نە ولاردى ولىمنەن، سوعىستان امان قالۋعا تىرىسادى. انالار، رەسەيدە شەشىم قابىلداي العاندار عانا ءوز بالالارىن قورعاي الادى. ال كونگەندەر ءتىپتى جەرلەنبەي قالادى»،—دەدى ول.
