تۇركىستاندا ءدامحانا تاماعىن جەگەن تۇرعىندار جاپپاي ۋلانىپ قالعان. بۇل تۋرالى سانيتارلىق-ەپيدەميولوگيالىق باقىلاۋ كوميتەتىنىڭ ءباسپاسوز قىزمەتى ايتتى، دەپ حابارلايدى «ادىرنا» ءتىلشىسى.
تاماقتان ۋلانعاندار كەنتاۋ قالاسىنداعى فاست-فۋد ازىرلەۋمەن اينالىساتىن ءدامحانادان سۋشي، پيتستسا ، تاۋىق ەتىنەن لاۆاش، چيكەن جەگەن.
قر دسم سانيتاريالىق-ەپيدەميولوگيالىق باقىلاۋ كوميتەتى ادام دەنساۋلىعىنا قاۋىپ توندىرگەن تاماقتانۋ ورنىنا قاتىستى تەكسەرۋ جۇرگىزۋ بويىنشا شارالار قابىلدادى.
«ءدامحانا يەسىنە قر اكىمشىلىك قۇقىق بۇزۋشىلىق تۋرالى كودەكسىنىڭ 425-بابىنىڭ 1-تارماعىنا سايكەس 230 اەك كولەمىندە ايىپپۇل سالىندى. سونىمەن قاتار، اتالعان نىسانعا سانيتاريالىق-ەپيدەميولوگيالىق قورىتىندى الماي جۇمىس جاساعانى ءۇشىن اتالعان كودەكستىڭ 463 بابى 1-تارماعىنا سايكەس حاتتاما تولتىرىلىپ، ءىس-قۇجاتتارى سوتقا جولداندى»،— دەلىنگەن حابارلامادا.
