شىمكەنت قالاسىنىڭ پوليتسيا دەپارتامەنتى 1 كۋرس ستۋدەنتىنىڭ قايتىس بولعانىن حابارلادى، دەپ جازادى "ادىرنا" ۇلتتىق پورتالى.
Otyrar.kz مالىمدەۋىنشە، قايعىلى وقيعا 22 قىركۇيەككە قاراعان ءتۇنى بولدى. جەدەل جاردەم قىزمەتكەرلەرى ءمايىتتىڭ جاتاقحانادا تابىلعانى تۋرالى پوليتسياعا حابارلادى.
كۋاگەرلەردىڭ ايتۋىنشا، كوللەدجدىڭ 1-كۋرس وقۋشىسى ەكى ستۋدەنتپەن ەرەگەسىپ، جانجالدان كەيىن كوز جۇمعان. ولاردىڭ ءبىرى جىگىتتىڭ كەۋدەسىنەن، ال ەكىنشىسى يىعىنان ۇرعانى بەلگىلى بولدى. ناتيجەسىندە ونىڭ جاعدايى كۇرت ناشارلاپ، جىگىت جەدەل جاردەم كەلگەنگە دەيىن قايتىس بولدى.
شىمكەنت قالاسىنىڭ ءبىلىم باسقارماسىنان حابارلاعانداي، كوز جۇمعان ستۋدەنت نەبارى 15 جاستا ەدى. ول تۇلكىباس اۋدانىنان كەلىپ، م.وتەباەۆ اتىنداعى جوعارى جاڭا تەحنولوگيالار كوللەدجىنە "تسيفرلىق تەحنيكا" ماماندىعى بويىنشا وقۋعا تۇسكەن.
ءال-فارابي اپب قىزمەتكەرلەرى قر قك 106-بابى بويىنشا تەرگەۋ ءجۇرىپ جاتىر. وقيعانىڭ ءمان-جايى انىقتالۋدا. ءىس بويىنشا سوت-مەديتسينالىق ساراپتاما تاعايىندالدى.
"ادىرنا" ۇلتتىق پورتالى
