"كونترتەررورلىق كوميتەت" الەۋمەتتىك بىرلەستىگىنىڭ باسشىسى الماس ورازباەۆ تەررورشىلاردىڭ ايەلدەردى جانكەشتىلەرگە قالاي اينالدىراتىنىن ايتىپ بەردى:
"وپ-وڭاي. ەگەردە ول ءتيىستى مەتوديكانى جەتىك مەڭگەرگەن بولسا، وعان دىنگە بەرىلگەن ايەلدەن جانكەشتىنى جاساۋ ءۇشىن ءبىر اي عانا جەتكىلىكتى. ءبىر اپتا بويى ول ايەل ادامنىڭ ءومىر ءسۇرۋ سالتىن باقىلايدى. سودان كەيىن، ەسىرتكى ءۇشىن ءبارىن ىستەۋگە ءازىر ناشاقورلاردى جالدايدى. ولار ءوز كەزەگىندە، كەلىنشەك پەن ونىڭ بالاسىن دا زورلاپ تاستاۋدان تايىنبايدى. بار بولعانى ەسىرتكى بەرسەڭ بولدى" ، - دەدى ورازباەۆ.
ماماننىڭ ايتۋىنشا، سودان كەيىن ناشاقوردى جالداعان تەررورشى جوسپار بويىنشا وعان پەرىشتە بەينەسىندە كەلىپ، وعان پسيحولوگيالىق تۇردە قىسىم كورسەتەدى. ول ورىن العان قيىنشىلىقتا ءدىندى ۇستانبايتىندار مەن بيلىك كىنالى ەكەنىن ايتىپ، ميىنا قۇيادى. بۇل ءۇردىس ەكى اپتا ۋاقىتتى الادى. تاعى ءبىر اپتا ايەل ادامدى جانكەشتىلەر بەلبەۋىن قولدانۋدى ۇيرەتۋمەن وتەدى.
"ياعني جانكەشتىلىككە ازعىرۋ كوپ جاعدايدا قيىنشىلىقتاردى تۋىنداتىپ نەمەسە ايەلدىڭ باسىندا بار پروبلەمالارى ارقىلى جۇزەگە اسادى. ماسەلەن، ەگەر ول تەررورشىنىڭ جەسىرى بولسا" ، - دەپ ايتتى بىرلەستىك باسشىسى.
اقپارات Nur.kz سايتىنان كوشىرىلدى.
