"Kontrterrorlyq komıtet" áleýmettik birlestiginiń basshysy Almas Orazbaev terrorshylardyń áıelderdi jankeshtilerge qalaı aınaldyratynyn aıtyp berdi:
"Op-ońaı. Egerde ol tıisti metodıkany jetik meńgergen bolsa, oǵan dinge berilgen áıelden jankeshtini jasaý úshin bir aı ǵana jetkilikti. Bir apta boıy ol áıel adamnyń ómir súrý saltyn baqylaıdy. Sodan keıin, esirtki úshin bárin isteýge ázir nashaqorlardy jaldaıdy. Olar óz kezeginde, kelinshek pen onyń balasyn da zorlap tastaýdan taıynbaıdy. Bar bolǵany esirtki berseń boldy" , - dedi Orazbaev.
Mamannyń aıtýynsha, sodan keıin nashaqordy jaldaǵan terrorshy jospar boıynsha oǵan perishte beınesinde kelip, oǵan psıhologııalyq túrde qysym kórsetedi. Ol oryn alǵan qıynshylyqta dindi ustanbaıtyndar men bılik kináli ekenin aıtyp, mıyna quıady. Bul úrdis eki apta ýaqytty alady. Taǵy bir apta áıel adamdy jankeshtiler belbeýin qoldanýdy úıretýmen ótedi.
"Iaǵnı jankeshtilikke azǵyrý kóp jaǵdaıda qıynshylyqtardy týyndatyp nemese áıeldiń basynda bar problemalary arqyly júzege asady. Máselen, eger ol terrorshynyń jesiri bolsa" , - dep aıtty birlestik basshysy.
Aqparat Nur.kz saıtynan kóshirildi.
