قازاقستان پرەزيدەنتى قاسىم-جومارت توقاەۆ رەسەي باسشىسى ۆلاديمير پۋتينمەن تەلەفون ارقىلى سويلەستى، دەپ حابارلايدى "ادىرنا" ۇلتتىق پورتالى.
مەملەكەت باسشىسى ارىپتەسىن انكوريدجدە اقش پرەزيدەنتى دونالد ترامپپەن وتكەن كەزدەسۋدىڭ قورىتىندىلارىمەن قۇتتىقتادى. ونىڭ پىكىرىنشە، بۇل كەلىسسوزدەر امەريكا تاراپىنا ۋكرايناعا قاتىستى رەسەي ۇستانىمىن جاقسىراق تۇسىنۋگە مۇمكىندىك بەرىپ، كۇردەلى ماسەلە بويىنشا ورتاق شەشىم تابۋعا سەپتىگىن تيگىزەدى.
«قاسىم-جومارت توقاەۆ الياسكاداعى ءسامميتتى رەسەيدىڭ حالىقارالىق ارەناداعى پوزيتسيالارىن نىعايتۋ مەن ءوزارا تۇسىنىستىكتى ارتتىرۋ تۇرعىسىنان ماڭىزدى شارا دەپ سانايدى. سونداي-اق ول بۇل ساپاردىڭ شەبەر ۇيىمداستىرىلعانىن اتاپ ءوتتى، بۇل قازىرگى شيەلەنىستى جاعدايدا ۇلكەن ساياسي ماڭىزعا يە»، – دەلىنگەن اقوردانىڭ حابارلاماسىندا.
ءوز كەزەگىندە پۋتين قازاقستان باسشىسىنا الياسكاداعى كەلىسسوزدەردىڭ كەيبىر ناقتى قىرلارىن باياندادى.
ءسوز سوڭىندا توقاەۆ ەنەرگەتيكا سالاسىنداعى كونسترۋكتيۆتى ىنتىماقتاستىعى ءۇشىن رەسەي باسشىسىنا ريزاشىلىعىن ءبىلدىردى.
