بقو-دا جاڭا بوبەكجاي اشىلدى

1385
Adyrna.kz Telegram

زاشاعان كەنتىندە 160 ورىندىق بوبەكجاي جۇمىسىن باستادى. «قالا كۇنى» مەرەكەسىمەن تۇسپا-تۇس وتكەن بوبەكجايدىڭ اشىلۋ سالتاناتىنا قالا اكىمى ميرجان ساتقانوۆ قاتىسىپ، قۇتتىقتاۋ لەبىزىن ءبىلدىردى.

– بۇگىنگى كۇنى قالامىزداعى 157 مەكتەپكە دەيىنگى ۇيىمدا 18 مىڭداي ءبۇلدىرشىن تاربيەلەنۋدە. 3-6 جاس ارالىعىنداعى مەكتەپ جاسىنا دەيىنگى بالالار 100 پايىز بالاباقشامەن قامتىلدى. زاشاعان كەنتى شاھارداعى حالىق تىعىز ورنالاسقان اۋدان. تۇرعىندار سانى جىلدان جىلعا ارتىپ كەلەدى. سوندىقتان الەۋمەتتىك نىسانداردىڭ سالىنۋى ماڭىزدى. وسى ىستە جەكە كاسىپكەرلەردىڭ بەلسەندىلىگى قۋانتادى. زاماناۋي ۇلگىدە جاڭا بالاباقشانى اشۋدا باستاماشى بولعان ازاماتتارعا العىسىمىزدى بىلدىرەمىز. بالاباقشانىڭ اشىلۋى، «قالا كۇنى» قۇتتى بولسىن، – دەدى قالا باسشىسى ميرجان مۇنايدارۇلى.

سالتاناتتى شاراعا قاتىسقان اتا-انالار، مەيماندار دا ءوزى تىلەكتەرىن ءبىلدىردى.

زاشاعان حالىق سانى كوبەيىپ، جىلدان جىلعا ۇلكەيىپ كەلە جاتقان كەنت. بۇگىندە وسى اۋدانداعى 7 مەملەكەتتىك، 15 جەكە بالاباقشا مەن مەكتەپ جانىنداعى شاعىن ورتالىقتاردا 3200-دەي ءبۇلدىرشىن تاربيەلەنۋدە.

زاماناۋي ۇلگىدە سالىنعان «ايانا» بالاباقشاسىنىڭ اشىلۋىمەن تاعى 160 بالا مەكتەپكە دەيىنگى ۇيىممەن قامتىلاتىن بولادى.

تيپتىك ۇلگىدەگى ەكى قاباتتى بوبەكجاي عيماراتىنىڭ اۋماعى 3210 شارشى مەتر. جالپى اۋماعى – 5850 شارشى مەتر. وقۋ-تاربيە جۇمىسى مەملەكەتتىك تىلدە جۇرگىزىلەدى. بالالاردىڭ الاڭسىز ويناپ، جان-جاقتى بولىپ قالىپتاسۋى ءۇشىن بارلىق جاعداي جاسالعان. مەديتسينالىق ءبولىم، اسحانا، اكت زالى، پسيحولوگ، ۇيىرمە، ويىن بولمەلەرى زامانعا ساي قاجەتتى جابدىقتارمەن قامتىلعان. اۋلادا ءار توپ ءۇشىن ويىن الاڭدارى دايىندالعان.

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket