Sońǵy ýaqyttarda Ýkraına men Reseı arasyndaǵy soǵys Reseıdiń memlekettik qurylymy ǵana emes, terrıtorııalyq tutastyǵyna qatysty da máselelerdiń shetin shyǵardy. Federaııa esebinde orys bıligine bas súıep kelgen Tatarstan men Bashqurtstannyń táýelsizdik alýǵa qulshynysy artqany baıqalady. «DALA INCIDE» telegram-arnasy buǵan qatysty:
Tatarstan men Bashqurtstan basshylary táýelsizdik alýdy astyrtyn zertteý úshin keńes júrgizdi, dep jazdy.
AQSh "Stratfor" jeke barlaý ortalyǵy arqyly qos respýblıkadaǵy halyqtyń ustanymyn zertteýge den qoıyp otyr. Sarapshylar qazirde tatar men bashqurttyń Reseıden bólinýi úshin qajetti faktorlardy atady. Olardyń ishinde: halyq qoldaýy, ulttyq biregeılik, kúshtik qurylym men BUU, TMD syndy halyqaralyq uıymdardyń yqpaly jáne Qazaqstanmen shekaralasýy syndy faktorlar bar.
Halyqaralyq sarapshylar 1925 jylǵa deıin Orynbor Qazaq ASSR-y astanasy bolǵan tustarda qazaq-bashqur shekarasy bolǵanyn jaqsy biledi. Keıinnen Qýandyq jáne Gaı aýdandaryn Reseıge qosyp, baýyrlas ulttardyń arasynda "saıası dáliz" jasaldy.
Qazaqstan syrtqy doktrınasyna saı Reseıdiń Orynbor oblysyn Reseıdiki dep moıyndaıdy. Sondyqtan Reseıge qarsy soǵys ashýy ekitalaı. Tatarstan ben Bashqurtstan ortaq kúsh salyp, Gaı jáne Qýandyq aýdandaryn qarýly jolmen ózderine qaratsa, olar Qazaqstanmen ortaq shekaraǵa shyǵa alady. Syrtqy elmen ortaq baılanysy bolmasa, tatarlar men bashqurlardyń bir kún de táýelsiz bolyp turýy múmkin emes, dep jazady Scifnews portaly.
Stratfor Tatarstan men Bashqurtstannyń egemendigine qatysty qorytyndy shyǵarý úshin, eń aldymen, halyqtyń áleýmettik kóńil-kúıin zertteýge kúsh salmaq.
