بۇگىن تاڭعى ساعات 04:50 شاماسىندا قىرعىز-تاجىك شەكاراسىندا تاعى دا اتىس بولدى، دەپ حابارلايدى «ادىرنا» ءتىلشىسى.
قىرعىزستان رەسپۋبليكاسى ۇلتتىق قاۋىپسىزدىك مەملەكەتتىك كوميتەتىنىڭ شەكارا قىزمەتى تاجىك تاراپىنىڭ ەكى-تاش، چير-دوبو، كۋم، مازار مەن ورتو-بوز اۋماقتارىنا شابۋىل جاساعانىن مالىمدەدى.
الدىن الا مالىمەت بويىنشا، كەم دەگەندە ءتورت اسكەري قىزمەتكەر جارالانعان.
«جاعدايدى تۇراقتاندىرىپ، قاقتىعىستىڭ ورشۋىنە جول بەرمەۋ ءۇشىن بار كۇشىمىزدى سالىپ جاتىرمىز»،—دەدى ۆەدومستۆو.
ال تاجىكستاننىڭ ۇلتتىق قاۋىپسىزدىك كوميتەتى تاراپتاردىڭ تاڭعى ساعات 6.30-دا اتىستى توقتاتۋ تۋرالى كەلىسىمگە كەلگەنىن العا تارتىپ وتىر.
«قىرعىز اسكەريلەرى ونى ورىنداماي، بارلىق قارۋ-جاراق پەن اسكەري تەحنيكانى پايدالانا وتىرىپ، تاجىك جاعىنا وق اتۋدى جالعاستىرىپ جاتىر»،—دەلىنگەن حابارلامادا.
