Búgin tańǵy saǵat 04:50 shamasynda qyrǵyz-tájik shekarasynda taǵy da atys boldy, dep habarlaıdy «Adyrna» tilshisi.
Qyrǵyzstan Respýblıkasy Ulttyq qaýipsizdik memlekettik komıtetiniń Shekara qyzmeti tájik tarapynyń Eki-Tash, Chır-Dobo, Kým, Mazar men Orto-Boz aýmaqtaryna shabýyl jasaǵanyn málimdedi.
Aldyn ala málimet boıynsha, kem degende tórt áskerı qyzmetker jaralanǵan.
«Jaǵdaıdy turaqtandyryp, qaqtyǵystyń órshýine jol bermeý úshin bar kúshimizdi salyp jatyrmyz»,—dedi vedomstvo.
Al Tájikstannyń Ulttyq qaýipsizdik komıteti taraptardyń tańǵy saǵat 6.30-da atysty toqtatý týraly kelisimge kelgenin alǵa tartyp otyr.
«Qyrǵyz áskerıleri ony oryndamaı, barlyq qarý-jaraq pen áskerı tehnıkany paıdalana otyryp, tájik jaǵyna oq atýdy jalǵastyryp jatyr»,—delingen habarlamada.
