الماتى وبلىسىنداعى مەكتەپتەرگە ورىس تىلىندە ساباق بەرەتىن مۇعالىم جەتىسپەيدى

1982
Adyrna.kz Telegram

الماتى وبلىسىنداعى مەكتەپتەرگە 265 مامان قاجەت. بۇل تۋرالى وبلىستىڭ ءبىلىم باسقارماسى مالىمدەدى، دەپ حابارلايدى “ادىرنا” ءتىلشىسى.

جاڭا 2022-2023 وقۋ جىلىندا وبلىستا 425 مەملەكەتتىك، 23 جەكەمەنشىك مەكتەپ، 6 كەشكى مەكتەپ جۇمىس ىستەيدى. بيىل مەملەكەتتىك ءبىلىم بەرۋ ۇيىمدارىنا 330 985 وقۋشى، 23 جەكەمەنشىك مەكتەپتەردە 7 508 بالا، 6 كەشكى مەكتەپتە 912 بالا ءبىلىم الىپ جاتىر.

“وبلىستاعى 425 مەملەكەتتىك مەكتەپتىڭ بارلىعى كومپيۋتەر تەحنيكاسىمەن 100% جابدىقتالعان. 74 266 كومپيۋتەر بار. ونىڭ 65818 (88,6%) اۋىل مەكتەپتەرىنە بولىنگەن”، - دەپ حابارلادى ءبىلىم باسقارماسى.

وبلىس بويىنشا 60 IT سىنىپ، 11 STEM كابينەت بار. وڭىردە 24 096 ينتەراكتيۆتى تاقتا بار. جابدىقتالۋ كورسەتكىشى –  90%.

الماتى وبلىسىندا اپاتتى جاعدايداعى مەكتەپتەر جوق.

2022-2023 وقۋ جىلىندا مەكتەپتەردە 265 مامان جەتپەيدى.

“ورىس سىنىبىندا باستاۋىش سىنىپقا ساباق بەرەتىن 50 مۇعالىم، ورىس سىنىبىندا ماتەماتيكادان ساباق بەرەتىن 65 مۇعالىم قاجەت”، - دەپ حابارلادى باسقارما.

سونداي-اق ورىس ءتىلى مەن ادەبيەتى پانىنەن 150 مامان قاجەت.

”ادىرنا” ۇلتتىق پورتالى

پىكىرلەر