ينفراقۇرىلىممەن قامتۋ جۇمىستارى جالعاسۋدا

1335
Adyrna.kz Telegram

بۇگىن شىمكەنت قالاسىنىڭ اكىمى مۇرات ايتەنوۆ ەڭبەكشى اۋدانىنداعى جاڭاقۇرىلىس اۋماعىندا ورنالاسقان ەلدى مەكەندەردە جۇرگىزىلىپ جاتقان ينفراقۇرىلىم نىساندارى جۇمىس بارىسىن تەكسەرىپ، تۇرعىندارمەن كەزدەستى.

قازىرگى تاڭدا ەلەكتر قۋاتىمەن قامتۋ جۇمىستاردىڭ 90%-ى اتقارىلعان. قىركۇيەك ايىنىڭ سوڭىندا «وڭتۇستىك جارىق ترانزيت» جشس تاراپىنان ابونەنتتەۋ جۇمىسى جۇرگىزىلمەك. ناتيجەسىندە، قاراتوبە، قاراباستاۋ، ابدۋلاباد، توعىس، جۇلدىز، بادام-1, جىلانبۇزعان، ايناتاس، بازارقاقپا ەلدى مەكەندەرىندەگى
1 729 ابونەنت ساپالى ەلەكتر قۋاتىمەن قامتىلاتىن بولادى.

اۋىز سۋ قۇبىرلارى جۇيەسىن ورناتۋ جۇمىستارى 11%-عا ورىندالعان. نىسان 2023 جىلى اياقتالماق.

اتالعان ەلدى مەكەندەردى تابيعي گازبەن قامتۋ بويىنشا جوبالىق-سمەتالىق قۇجاتتار ازىرلەنۋدە.

قالا باسشىسى ابونەنتتەۋ جۇمىستارى بارىسىندا تۇرعىنداردىڭ جۇمىلا ارەكەت جاساۋ كەرەكتىگىن اتاپ ءوتىپ، سالا باسشىلارىنا بۇل ءىستى ءتيىمدى ۇيىمداستىرۋدى تاپسىردى.

 

پىكىرلەر