Búgin Shymkent qalasynyń ákimi Murat Áıtenov Eńbekshi aýdanyndaǵy jańaqurylys aýmaǵynda ornalasqan eldi mekenderde júrgizilip jatqan ınfraqurylym nysandary jumys barysyn tekserip, turǵyndarmen kezdesti.
Qazirgi tańda elektr qýatymen qamtý jumystardyń 90%-y atqarylǵan. Qyrkúıek aıynyń sońynda «Ońtústik Jaryq Tranzıt» JShS tarapynan abonentteý jumysy júrgizilmek. Nátıjesinde, Qaratóbe, Qarabastaý, Abdýlabad, Toǵys, Juldyz, Badam-1, Jylanbuzǵan, Aınatas, Bazarqaqpa eldi mekenderindegi
1 729 abonent sapaly elektr qýatymen qamtylatyn bolady.
Aýyz sý qubyrlary júıesin ornatý jumystary 11%-ǵa oryndalǵan. Nysan 2023 jyly aıaqtalmaq.
Atalǵan eldi mekenderdi tabıǵı gazben qamtý boıynsha jobalyq-smetalyq qujattar ázirlenýde.
Qala basshysy abonentteý jumystary barysynda turǵyndardyń jumyla áreket jasaý kerektigin atap ótip, sala basshylaryna bul isti tıimdi uıymdastyrýdy tapsyrdy.