مەملەكەت باسشىسى قاسىم-جومارت توقاەۆ نۇرسۇلتان نازارباەۆ اتىنداعى نىساندار ءوز اتاۋلارىن ساقتاپ قالۋى ءتيىس دەپ سانايدى. بۇل تۋرالى پرەزيدەنتتىڭ ءباسپاسوز حاتشىسى رۋسلان جەلدىباي مالىمدەدى، دەپ حابارلايدى «ادىرنا» ءتىلشىسى.
«پارلامەنتتەگى دەپۋتاتتار توبى ەلوردانىڭ بۇرىنعى استانا اتاۋىن قايتارۋ تۋرالى ۇسىنىس بىلدىرگەنى ءمالىم.
دەپۋتاتتاردىڭ بۇل باستاماسى تۋرالى پرەزيدەنت حاباردار. حالىق قالاۋلىلارى، ءوز كەزەگىندە تۇرعىندارمەن كەزدەسۋلەردە ايتىلعان ۇسىنىستارعا، سونداي-اق رەفەرەندۋم كەزىندە ازاماتتاردىڭ كوپتەگەن وتىنىشتەرىنە سۇيەندى.
ءماجىلىس دەپۋتاتتارىنىڭ ۇسىنىسى مەملەكەت باسشىسىنىڭ كەلىسىمىمەن كونستيتۋتسيالىق زاڭ جوباسىنا ەنگىزىلدى.
پرەزيدەنت قازاقستاننىڭ قازىرگى مەملەكەتتىلىگىن نىعايتۋدا جانە ەلوردانىڭ ىرگەسىن قالاۋدا ن.ءا. نازارباەۆتىڭ شەشۋشى ءرول اتقارعانى تاريحي فاكت دەپ سانايدى. سوندىقتان تۇڭعىش پرەزيدەنت اتىنداعى باسقا دا نىساندار ءوز اتاۋلارىن ساقتاپ قالۋى ءتيىس»،—دەدى ول.
