Nazarbaev atyndaǵy nysandar óz ataýlaryn saqtap qalýy tıis — Toqaev

3016
Adyrna.kz Telegram

Memleket basshysy Qasym-Jomart Toqaev Nursultan Nazarbaev atyndaǵy nysandar óz ataýlaryn saqtap qalýy tıis dep sanaıdy. Bul týraly Prezıdenttiń Baspasóz hatshysy Rýslan Jeldibaı málimdedi, dep habarlaıdy «Adyrna» tilshisi.

«Parlamenttegi depýtattar toby elordanyń burynǵy Astana ataýyn qaıtarý týraly usynys bildirgeni málim.

Depýtattardyń bul bastamasy týraly Prezıdent habardar. Halyq qalaýlylary, óz kezeginde turǵyndarmen kezdesýlerde aıtylǵan usynystarǵa, sondaı-aq referendým kezinde azamattardyń kóptegen ótinishterine súıendi.

Májilis depýtattarynyń usynysy Memleket basshysynyń kelisimimen Konstıtýııalyq zań jobasyna engizildi.

Prezıdent Qazaqstannyń qazirgi memlekettiligin nyǵaıtýda jáne elordanyń irgesin qalaýda N.Á. Nazarbaevtyń sheshýshi ról atqarǵany tarıhı fakt dep sanaıdy. Sondyqtan Tuńǵysh Prezıdent atyndaǵy basqa da nysandar óz ataýlaryn saqtap qalýy tıis»,—dedi ol.

Pikirler