الماتىدا جاڭا تۋعان نارەستەلەردى ساتۋمەن اينالىسقاندار ۇستالدى

1511
Adyrna.kz Telegram

الماتىدا ۇيىمداسقان قىلمىستىق توپ جاڭا تۋعان نارەستەلەردى ساتۋمەن اينالىسقان. بۇل تۋرالى ىشكى ىستەر مينيسترلىگى مالىمدەدى. ءتارتىپ ساقشىلارىنىڭ دەرەگىنشە، زاڭعا قارسى ارەكەت ەتكەندەر شاقالاقتاردى بالاسى جوق وتباسىلارعا ساتپاق بولعان. بۇگىندە كۇدىكتىلەر ۇستالىپ، ۋاقىتشا ۇستاۋ يزولياتورىنا قامالدى، دەپ حابارلايدى «ادىرنا» ءتىلشىسى «Astana TV» ارناسىنا سىلتەمە جاساپ.

وقيعاعا قاتىستى سوتقا دەيىنگى تەرگەپ-تەكسەرۋ باستالدى.

«الدىن الا ءسوز بايلاسقان ادامدار توبى وزدەرىنىڭ بالالارىنان باس تارتقىسى كەلەتىن جۇكتى ايەلدەردى جانە بالالارى جوق وتباسىلىق جۇپتاردى ىزدەستىرۋمەن، سونداي-اق بالالاردىڭ تۋ تۋرالى جالعان كۋالىكتەرىن دايىنداۋمەن اينالىسقانى انىقتالدى. اتالعان فاكتى بويىنشا «كامەلەتكە تولماعانداردى ساتۋ» بابى بويىنشا سوتقا دەيىنگى تەرگەپ-تەكسەرۋ جۇرگىزىلۋدە»،—دەدى قر ىشكى ىستەر مينيسترلىگىنىڭ رەسمي وكىلى شۇعىلا تۇرلىبەك.

پىكىرلەر