Almatyda ūiymdasqan qylmystyq top jaŋa tuǧan närestelerdı satumen ainalysqan. Būl turaly Işkı ıster ministrlıgı mälımdedı. Tärtıp saqşylarynyŋ deregınşe, zaŋǧa qarsy äreket etkender şaqalaqtardy balasy joq otbasylarǧa satpaq bolǧan. Bügınde küdıktıler ūstalyp, uaqytşa ūstau izoliatoryna qamaldy, dep habarlaidy «Adyrna» tılşısı «Astana TV» arnasyna sılteme jasap.
Oqiǧaǧa qatysty sotqa deiıngı tergep-tekseru bastaldy.
«Aldyn ala söz bailasqan adamdar toby özderınıŋ balalarynan bas tartqysy keletın jüktı äielderdı jäne balalary joq otbasylyq jūptardy ızdestırumen, sondai-aq balalardyŋ tuu turaly jalǧan kuälıkterın daiyndaumen ainalysqany anyqtaldy. Atalǧan faktı boiynşa «Kämeletke tolmaǧandardy satu» baby boiynşa sotqa deiıngı tergep-tekseru jürgızılude»,—dedı QR Işkı ıster ministrlıgınıŋ resmi ökılı Şūǧyla Tūrlybek.
