ماسكەۋدەگى لومونوسوۆ مۋنيتسيپالدى وكرۋگىنىڭ دەپۋتاتتارى پۋتيننەن وتستاۆكاعا كەتۋدى سۇرادى. ولار ونىڭ باسقارۋ مودەلى "ەسكىرگەنىن" جانە رەسەيدىڭ دامۋىنا ايتارلىقتاي كەدەرگى كەلتىرەتىنىن العا تارتتى، دەپ جازادى "ادىرنا" ۇلتتىق پورتالى.
"سايلاۋ جاقىنداپ كەلەدى، بىرنەشە كۇننەن كەيىن ءبىزدىڭ كەڭەستىڭ قۇرامى وزگەرەدى. ءبىز بەس جىل بويى قىزمەت اتقاردىق جانە وسى قىزمەتتى جاڭا يدەياسى مەن كۇش-جىگەرى بار جاڭا ادامدارعا بەرەتىن ۋاقىت كەلدى. زەرتتەۋلەر كورسەتكەندەي، باسشىسى تۇراقتى وزگەرىپ وتىرعان ەلدەردە ادامدار جاقسى جانە ۇزاق ءومىر سۇرەدى. ءسىز ءبىرىنشى جانە ەكىنشى مەرزىمگە پرەزيدەنت بولىپ سايلانعان ۋاقىتتا جاقسى رەفورمالار بولدى، بىراق سودان كەيىن بارلىعىنىڭ تاس-تالقانى شىقتى. ءسىز جانە ءسىزدىڭ باعىنىشتىلارىڭىز قولدانىپ جۇرگەن ريتوريكا ۇزاق ۋاقىت بويى توزىمسىزدىك پەن اگرەسسياعا تولى بولدى، بۇل اقىر سوڭىندا ەلىمىزدى قىرعي-قاباق سوعىس داۋىرىنە قايتاردى. الەم رەسەيدەن قورقىپ، جەك كورە باستادى. ءبىز تاعى دا بۇكىل الەمگە يادرولىق قارۋمەن قاۋىپ ءتوندىرىپ وتىرمىز. جوعارىدا ايتىلعاندارعا بايلانىستى ءسىزدىڭ كوزقاراستارىڭىز، باسقارۋ مودەلىڭىز ەسكىرگەندىكتەن جانە رەسەيدىڭ دامۋىنا كەدەرگى كەلتىرەتىندىكتەن قىزمەتىڭىزدى بوساتۋدى سۇرايمىز، – دەلىنگەن ۇندەۋدە.
"ادىرنا" ۇلتتىق پورتالى
