سولتۇستىك قازاقستان وبلىسىندا ورنالاسقان وبۋحوۆ تاۋ-كەن بايىتۋ كومبيناتىنىڭ قۇتى قاشتى. سەبەبى، تايىنشا اۋدانى اكىمدىگى كومبيناتتاعى ءوندىرىستى توقتاتىپ، 430 ادامدى جۇمىسىنان ايىرماق. بۇل تۋرالى وبۋحوۆ تاۋ-كەن بايىتۋ كومبيناتىنىڭ قۇرىلتايشىلارى مەن مەردىگەرلىك ۇيىم وكىلدەرى حابارلادى.
«تيولاين» جشس-نىڭ قۇرىلتايشىسى جانە اتقارۋشى ديرەكتورى ۆيكتور دولگالەۆتىڭ ايتۋىنشا، بۇگىنگى تاڭدا 250 ادام جۇمىسىنان ايرىلعالى تۇر، ال الداعى 2 ايدان سوڭ تاعى 180 ادام جۇمىسسىز قالادى.
«اۋدان اكىمدىگى وكىلى بۋر اندرەي نيكولاەۆيچتىڭ ءوتىنىشى بويىنشا اۋدان اكىمىنىڭ حاباردار بولۋىمەن كاسىپورىن قىزمەتى توقتاپ تۇر. ولار ءبىزدىڭ جۇمىس جاساي الماي قالۋىمىز ءۇشىن قاساقانا وندىرىسكە كەدەرگى كەلتىرىپ وتىر. سالدارىنان 250 ادام جۇمىسىنان ايرىلعالى تۇر، شامامەن 2 ايدان سوڭ تاعى 180 ادام، بارلىعى 430 جۇمىسسىز قالادى»، – دەيدى ۆيكتور دولگالەۆ.
«تيولاين» جشس ءباسپاسوز قىزمەتى حابارلاعانداي، كومبيناتتاعى جاعداي پايدالى قازبالاردىڭ باي كەن ورنىن شەتەلدىك ينۆەستورعا وتكىزىپ بەرۋ ماقساتىندا رەيدەرلىك باسىپ الۋ ارەكەتىنەن سوڭ شيەلەنىسىنە تۇسكەن.
كبك وكىلدەرىنىڭ مالىمدەۋىنشە، اڭگىمە «باشقۇرت سودا كومپانياسى» توڭىرەگىندەگى داۋ-داماي جايلى بولىپ وتىر.
وتكەن جىلى قر يدم باستاماسىمەن كبك ازىرلەگەن «تيولاين» جشس-نان ليتسەنزيا قايتارىپ الىنعاننان سوڭ قۇقىق قورعاۋ ورگاندارى كەن ورنىندا وندىرىلگەن بارلىق تيەپ-جونەلتىلەتىن ءونىمدى تاركىلەيدى، ال كاسىپورىن جۇمىس ىستەيتىن جەردى جەكە شارۋا قوجالىعىنا ۇزاق مەرزىمدى جالعا بەرەدى.
بۇل رەتتە اكىمدىك ليتسەنزيانى قايتارىپ الۋ ماسەلەسى ءالى كۇنگە دەيىن جابىلماعانىن، ءىس سوتتا قارالىپ جاتقانىن جانە قازىرگى ۋاقىتتا كاسىپورىننىڭ بولىنگەن جەردە جۇمىس ىستەۋگە تولىق قۇقىعى بار ەكەنىن ەسكەرمەيدى.
سونىمەن قاتار سقو تايىنشا اۋدانى اكىمدىگى كبك جۇمىسى 7 685 612 080 000 تەڭگە كولەمىندە تىكەلەي زالال كەلتىردى دەپ ەسەپتەيدى.
«سولتۇستىك قازاقستان وبلىسىنىڭ 22 جىلدىق بيۋدجەتى – 323 ملرد تەڭگە. بۇل بۇكىل وبلىستىڭ بيۋدجەتى. قازاقستان بيۋدجەتى شامامەن 15 تريلليون، ال مۇندا 7 تريلليون. ءبىز ءبىر جىل بۇرىن ەڭبەك ۇجىمىمەن كەلىسىمشارتتى ساقتاۋ ءۇشىن وبلىس اكىمى قۇمار ەرگىبايۇلىمەن كەزدەسۋگە باردىق. ناقتىراق ايتقاندا، ءبىزدى ماجبۇرلەدى. ول اكىمدىكتىڭ پايدالى قازبالارعا ەشقانداي قاتىسى جوق ەكەنىن، قايتا بۇل مينيسترلىكتىڭ قۇزىرەتىندەگى ماسەلەگە ەكەندىگىن ايتتى.
«مەن مۇنداي كبك بارىن بىلگەن دە جوقپىن» دەپ الىپ، تۋرا ءبىر جىل وتكەن سوڭ، اكىم اپپاراتى پايدالى قازبالاردى زاڭسىز ءوندىرۋدىڭ سالدارىنان زارداپ شەگىپ جاتقاندىعىن مالىمدەدى. ياعني ول: «مەن كەننىڭ نە ەكەنىن دە بىلمەيمىن»، – دەيدى دە كاسىپورىننىڭ التى ايدان بەرى زيان كەلتىرىپ جاتقانىن حابارلايدى. ارينە، بۇل اشىقتان-اشىق وتاندىق وندىرۋشىلەردىڭ بەدەلىن ءتۇسىرۋ عوي»، – دەيدى دانيل دولگالەۆ.
ايتۋلارىنشا، كاسىپورىنعا قىزىعۋشىلىق ولاردىڭ تيتان-تسيركوني كونتسەنتراتىن ءوندىرۋ جانە قايتا وڭدەۋ بويىنشا الەمدىك كوشباسشىلاردىڭ ۇشتىگىنە كىرگەننەن كەيىن باستالعان.
بۇگىنگى تاڭدا ۆيكتور دولگالەۆتىڭ ۇستىنەن بىرنەشە قىلمىستىق ءىس قوزعالعان. ءتىپتى ولاردىڭ بىرىندە رەسەي فەدەراتسياسىنىڭ ازاماتشاسى ە.پلۋگيناعا 1 ملرد 900 ملن تەڭگەگە «جابىرلەنۋشى» دەپ تانىلعان.
«ولار مەنى قازاقستان رەسپۋبليكاسىندا ءبىر كۇندە جۇمىس ىستەمەگەن رەسەي ازاماتشاسى پلۋگيناعا 1 ملرد 900 ملن تەڭگەگە قارىز قىلىپ وتىر»، – دەپ ءتۇسىندىردى ۆيكتور دولگالەۆ.
كاسىپورىن قىزمەتكەرلەرى ەل باسشىلىعى نەگە ولارعا جۇمىس ىستەۋگە مۇمكىندىك بەرمەيتىنىن تۇسىنبەيدى. سونداي-اق ولار كەزەكتەن تىس پرەزيدەنتتىك سايلاۋ قارساڭىندا وبۋحوۆ كبك اينالاسىنداعى ماسەلە مەن زاڭسىزدىققا نازار اۋدارىلادى دەگەن ۇمىتتە.
ايتا كەتەيىك، وبۋحوۆ گوك رەسەي، قىتاي، ءۇندىستان، مالايزيا، ءباا-تەرىنە ەكسپورتتايتىن تسيركوني كونتسەنتراتىن شىعارادى. بۇل ءونىم ۇيالى تەلەفوندار، كومپيۋتەرلەر وندىرىسىندە، اتوم ونەركاسىبىندە قولدانىلادى. زاۋىت تسيركونيدەن كونتسەنترات وندىرىلەتىن الەمدەگى ەڭ ءىرى كاسىپورىنداردىڭ ءبىرى بولىپ تابىلادى. سولتۇستىك قازاقستان وبلىسىندا ورنالاسقان. 430 ادامدى جۇمىسپەن قامتاماسىز ەتىپ وتىر. كاسىپورىنداعى ورتاشا جالاقى 445 000 تەڭگەنى قۇرايدى.
