بۇگىن ا.پ.چەحوۆ اتىنداعى كىتاپحانادا قازاقستاننىڭ حالىق جازۋشىسى شەرحان مۇرتازانىڭ 90 جىلدىق مەرەيتويىنا وراي ۇيىمداستىرىلعان ادەبي-سازدى كەش ءوتتى.
«ونەر» باسپاسىنىڭ باس ديرەكتورى اشىربەك كوپىش، جازۋشى، «انا ءتىلى» گازەتىنىڭ باس رەداكتورى قالي سارسەنباي، جۋرناليست گۇلزەينەپ سادىرقىزى ارنايى قوناق بولىپ كەلىپ، شەرحان اتامىز شىعارماشىلىق جولىنا، ءومىر جولدارىنا توقتالىپ، جاستاردىڭ سۇيىسپەنشىلىگىنە بولەندى.
ت.جۇرگەنوۆ اتىنداعى ونەر اكادەمياسىنىڭ تۇلەگى، ءداستۇرلى ءانشى قانات بۇرلەن «ەلىم مەنىڭ»، «قۇمعان العان»، «تۋعان جەرىم تاماشا» ءانىن دومبىرامەن اۋەلەتسە، قازاقستاننىڭ ەڭبەك سىڭىرگەن قايراتكەرى ەرلان ءبىلالدىڭ شاكىرتتەرى، ت.جۇرگەنوۆ اتىنداعى ونەر اكادەمياسىنىڭ ستۋدەنتتەرى مەدەت باتىرجان، جىبەك بولاتجانقىزى، ابدۋراحمان عابيتۇلى «مىلتىقسىز مايدان» شىعارماسىنان ءۇزىندى ۇسىنىپ، ساحنالىق قويىلىمدى اشىربەك كوپىش اعامىز «شەرحان مۇرتازانىڭ جاس كەزىن كورگەندەي بولدىم» دەپ جوعارى باعالادى.
ءال-فارابي اتىنداعى قازۇۋ-ءنىڭ جۋرناليستيكا فاكۋلتەتىنىڭ جانە اباي اتىنداعى قازۇپۋ-ءنىڭ فيلولوگيا فاكۋلتەتىنىڭ ستۋدەنتتەرى، № 147 مەكتەپ-گيمنازيانىڭ وقۋشىلارى كەشتىڭ ءماندى دە ءساندى وتۋىنە بەلسەنە اتسالىستى. كەشىمىزدىڭ ۇناعانى سونشالىق، احمەت بايتۇرسىنۇلى، مۇحتار اۋەزوۆ، قابدەش جۇمادىلگە وسىنداي كەشتەر ۇيىمداستىرىلسا دەگەن دەگەن ۇسىنىس ءتۇستى. وسىنداي ۇرپاق ءوسىپ كەلە جاتقانىنا ىشتەي قۋاندىم.
«ادىرنا» ۇلتتىق-ەتنوگرافيالىق پورتالىنىڭ اۆتورى ءارى باس رەداكتورى ارمان اۋباكىرگە، وسى كەشتى ارنايى كەلىپ تۇسىرگەن «الماتى» تەلەكانالىنا شىن جۇرەكتەن ۇلكەن العىس بىلدىرەمىز!!!
شەرحان مۇرتازا اتامىزدىڭ رۋحى اركەز قولداپ ءجۇرسىن دەپ تىلەك ايتقىم كەلەدى.
اينۇر بالاۋباەۆا
