Aýylda eńbek etkisi keletin dárigerlerge 306 myń teńge men úı alýǵa 4,6 mln teńge kóleminde járdemaqy qarastyrylǵan. Bul týraly Densaýlyq saqtaý mınıstri Ajar Ǵınııat aıtty, dep habarlaıdy “Adyrna” ulttyq portaly.
Ajar Ǵınııattyń aıtýynsha, memlekettik bilim berý tapsyrysy esebinen medıınalyq mamandyqtar boıynsha bilim alǵan jastar 3 jyl mindetti jumys merzimin óteıdi. 2012 jyly bul norma «Bilim týraly» zańǵa engizilgen.
Mınıstr aýylǵa medıına kadrlaryn tartý máselesine toqtaldy.
“Aýylda jumysqa ornalasqan medıına qyzmetkerlerin qoldaý úshin respýblıkalyq bıýdjetten 100 AEK (306 300 teńge, 1 AEK – 3 myń 63 teńge) jáne 1500 AEK (4 mln 594 myń 500 teńge) baspanaly bolýǵa járdemaqy kózdelgen (Úkimettiń 2009 jylǵy 18 aqpandaǵy №183 qaýlysy). Sondaı-aq jergilikti bıýdjetten eldi mekenderdegi mamandardy yntalandyrý úshin ár dárigerge 1-2 mln teńge bólinedi. Mysaly, Qostanaı ákimdigimen 5 mln teńge, Soltústik Qazaqstan ákimdigimen 3 mln teńgege deıin kóterme tólemder tólenedi”, - dedi Ajar Ǵınııat.
Nátıjesinde 2020-2021 jyly aýyldaǵy densaýlyq saqtaý uıymdaryna 1322 túlek jumysqa ornalasqan. Bul jumysqa tartylǵandardyń – 94%.
«Bıyl aýyldarǵa medıınalyq bilimi bar 797 túlek joldandy. Aýylda kadrlardy bekitý mańyzdy másele bolyp sanalady. Sondyqtan medıınalyq kadr tapshylyǵyn tómendetý úshin jergilikti ákimdikter kadrlardy tartý jáne áleýmettik qoldaý jumystaryn kúsheıtip, jalǵastyrý qajet», - dedi mınıstr
”Adyrna” ulttyq portaly
