الماتى وبلىسىنا قاراستى جامبىل اۋدانىنىڭ قارعالى اۋىلدىق وكرۋگى اكىمىنىڭ اپپاراتى جاسىرىن داۋىس بەرەتىن كابينا جاساۋعا 3 607 142 تەڭگە قارجى ءبولدى، دەپ حابارلايدى “ادىرنا”ۇلتتىق پورتالى satypalu.gov.kz سايتىنا سىلتەمە جاساپ.
اتالعان مەملەكەتتىك ساتىپ الۋ 1 تامىز كۇنى "جاسىرىن داۋىس بەرۋ ءۇشىن كابينا جاساۋ جۇمىستارى" دەگەن تاقىرىپپەن جاريالانعان. 3 607 142 تەڭگەگە باعالانعان تەندەر جەڭىمپازى 8 تامىز كۇنى انىقتالادى. ەڭ قىزىعى satypalu.gov.kz سايتىنداعى تەحنيكالىق سيپاتتاما پاراقشاسى اشىلمايدى. وندا ەكى فايلدىڭ كوشىرمەسى ساقتالىپتى. ءبىرىنشىسى، تەك تۇسىنىكسىز تاڭبالار مەن ساندارعا تولىپ تۇر. ەكىنشىسىنە الدەبىر ۆيدەو-تاسپا جۇكتەلگەن. ول تاسپادان دا جاسىرىن داۋىس بەرەتىن كابينا تۋرالى دەرەك تاپپايسىز. ياعني، اۋىل اكىمدىگى قانشا كابينا جاساتپاق ەكەنىن، ءار كابينانىڭ قۇنىن قانشاعا باعالاپ وتىرعانىن انىقتاۋ مۇمكىن ەمەس.
وسىعان وراي الماتى وبلىسىنىڭ مەملەكەتتىك ساتىپ الۋ باسقارماسىنان تومەندەگى سۇراقتارعا جاۋاپ بەرۋىن سۇرايمىز.
1. "جاسىرىن داۋىس بەرۋ ءۇشىن كابينا جاساۋ جۇمىستارى" دەگەن تاقىرىپپەن جاريالانعان مەملەكەتتىك ساتىپ الۋدا نەگە تەحنيكالىق سيپاتتاما جوق؟
2. ينتەرنەتتەگى اشىق دەرەككوزدەردىڭ مالىمەتى بويىنشا بۇعان دەيىنگى سايلاۋلاردا اتالعان اۋىلدىق وكۋرگتە №280, № 281, № 284, № 285 اتتى ءتورت سايلاۋ ۋچاسكەسى جۇمىس ىستەگەن ەكەن. قارعالىقتار سول بار بولعانى ءتورت ۋچاسكەنىڭ جاسىرىن كابيناسى ءۇشىن 3 607 142 تەڭگە قارجى جۇمساماق پا؟
3. مەملەكەتتىك بيۋدجەتتەن وبلىستاعى ءار سايلاۋ الدىندا جاسىرىن كابينا جاساتۋ ءۇشىن قارجى بولىنە مە؟
بۇل سۇراقتارعا باسقارما تاراپىنان كەلگەن جاۋاپتى الداعى ۋاقىتتا جاريالايتىن بولامىز!
اقان اسىل
ادىرنا ۇلتتىق پورتالى
