جەتىسۋ وبلىسىنىڭ ورتالىعى تالدىقورعان قالاسىندا سينتەتيكالىق ەسىرتكى ساتۋشى ۇستالدى، دەپ حابارلايدى "ادىرنا" ءتىلشىسى.
وبلىستىق ەسىرتكىگە قارسى ءىس-قيمىل باسقارماسىنىڭ قىزمەتكەرلەرى وزدەرىنە جۇكتەلگەن ارنايى وپەراتسيانى ءساتتى اياقتادى. ناتيجەسىندە پوليتسەيلەردىڭ جەدەل ارەكەتىنىڭ ارقاسىندا 49 جاستاعى تالدىقورعان تۇرعىنى قۇرىقتالدى. ول سينتەتيكالىق ەسىرتكى ساتۋمەن اينالىسقان. كۇدىكتى ەسىرتكىنىڭ ءبىرشاما دوزاسىن وتكىزۋ كەزىندە قىلمىس ۇستىندە قولعا تۇسكەن.
اتالمىش ازاماتتىڭ تۇرعىلىقتى جەرىن ءتىنتۋ بارىسىندا پوليتسيا قىزمەتكەرلەرى سينتەتيكالىق ەسىرتكىنىڭ بەس پاكەتىن تاپقان.
ايتا كەتەيىك، ەر ادام بۇعان دەيىندە وسى سيپاتتاعى قىلىمىسى ءۇشىن ءىستى بولعان. ول 2016 جىلى ەسىرتكى ساتۋعا بايلانىستى قۇقىق بۇزۋشىلىق جاساعانى ءۇشىن جاۋاپكەرشىلىككە تارتىلىپ، جازاسىن تۇزەۋ مەكەمەسىندە وتەگەن.
اتالعان فاكتى بويىنشا قر قك 297-بابىمەن قاراستىرىلعان "ەسىرتكى زاتتارىن وتكىزۋ" بويىنشا قىلمىستىق ءىسى تىركەلدى. ۇستالعان تالدىقورعاندىق قاماۋعا الىندى.
جالپى جىل باسىنان بەرى جەتىسۋ وبلىسىندا زاڭسىز اينالىمنان 28 كگ ءتۇرلى ەسىرتكى، ونىڭ ىشىندە 3 كگ "سينتەتيكا" تاركىلەنىپ، 22 ەسىرتكى ساتۋشى ۇستالدى.
