Jetısu oblysynyŋ ortalyǧy Taldyqorǧan qalasynda sintetikalyq esırtkı satuşy ūstaldy, dep habarlaidy "Adyrna" tılşısı.
Oblystyq esırtkıge qarsy ıs-qimyl basqarmasynyŋ qyzmetkerlerı özderıne jüktelgen arnaiy operasiiany sättı aiaqtady. Nätijesınde poliseilerdıŋ jedel äreketınıŋ arqasynda 49 jastaǧy Taldyqorǧan tūrǧyny qūryqtaldy. Ol sintetikalyq esırtkı satumen ainalysqan. Küdıktı esırtkınıŋ bırşama dozasyn ötkızu kezınde qylmys üstınde qolǧa tüsken.
Atalmyş azamattyŋ tūrǧylyqty jerın tıntu barysynda polisiia qyzmetkerlerı sintetikalyq esırtkınıŋ bes paketın tapqan.
Aita keteiık, er adam būǧan deiınde osy sipattaǧy qylymysy üşın ıstı bolǧan. Ol 2016 jyly esırtkı satuǧa bailanysty qūqyq būzuşylyq jasaǧany üşın jauapkerşılıkke tartylyp, jazasyn tüzeu mekemesınde ötegen.
Atalǧan faktı boiynşa QR QK 297-babymen qarastyrylǧan "esırtkı zattaryn ötkızu" boiynşa qylmystyq ısı tırkeldı. Ūstalǧan taldyqorǧandyq qamauǧa alyndy.
Jalpy jyl basynan berı Jetısu oblysynda zaŋsyz ainalymnan 28 kg türlı esırtkı, onyŋ ışınde 3 kg "sintetika" tärkılenıp, 22 esırtkı satuşy ūstaldy.
Ūqsas jaŋalyqtar
