حالىقارالىق تۇركسوي ۇيىمى مەن «شىعىس باتىس دوستىق جانە بەيبىتشىلىك ءرالليى» قاۋىمداستىعى ەلدەر اراسىندا مادەني بايلانىستاردى ارتتىرۋ ماقساتىندا «تۋنادان ورحونعا جىبەك جولى ءرالليى» اتتى جوبانى قولعا الدى، دەپ جازادى "ادىرنا" ۇلتتىق پورتالى.
بۇل جوباعا تۇركيانىڭ سىرتقى ىستەر مينيسترلىگى، مادەنيەت جانە تۋريزم مينيسترلىگى، ەۋروپا وداعىنىڭ باسشىلىعى جان جاقتى قولداۋ كورسەتتى.
حالىقارالىق جوبا تۇركى مەملەكەتتەرى تاۋەلسىدىزدىگىنىڭ 30 جىلدىعىنا وراي باستالۋى كەرەك بولاتىن. الايدا پاندەمياعا بايلانىستى كەيىنگە شەگەرىلدى.
رالليگە قاتىسۋشىلار كولىكتەرىنە تۇركى مەملەكەتتەرىنىڭ تۋلارىن جابىستىرىپ، بارعان ەلدەرىندە تۇركى الەمى تۋرالى اقپارات بەرۋدە.
ماجارستان استاناسى بۋداپەشتتە باستالعان شارا تۇركيا، گرۋزيا، ازەربايجاندا جالعاستى. جوبا قاتىسۋشىلارى بەينەۋ پورتى ارقىلى قازاق جەرىنە ات باسىن بۇرىپ، 7 قىركۇيەك كۇنى تۇركىستان قالاسىنا كەلەدى. كەيىن وزبەكستانعا بارىپ، قىرعىز جەرىندە مارەگە جەتەدى.
ايتا كەتۋ كەرەك، العاشقى رەت وتكىزىلىپ وتىرعان رالليگە قاتىسۋشىلار جالى كولەمى 9100 شاقىرىم جول جۇرەدى.
"ادىرنا" ۇلتتىق پورتالى
