پاكىستاندا الاپات سۋ تاسقىنىمەن كۇرەس جالعاسىپ جاتىر، دەپ جازادى "ادىرنا" ۇلتتىق پورتالى.
Qazaqstan.tv حابارلاۋىنشا، اسىرەسە ەلدىڭ بالودجيستان پروۆيتسياسىنداعى جاعداي وتە قيىن. مۇندا تۇسكەن جاۋىننىڭ مولشەرى سوڭعى 30 جىلداعى نورمادان 465 پايىزعا اسىپ كەتتى. ال، قايتىس بولعاندار سانى 1200-دەن اسىپ كەتتى. جالپى، سۋ تاسقىنىنان 33 ميلليون ادام زارداپ شەكتى. بۇعان قوسا ءۇي، جول، كوپىرلەر بۇزىلىپ، ەگىستىك القاپتارىن سۋ شايدى. جۇزدەگەن مىڭ مال قىرىلعان.
بۇگىندە ەكونوميكاعا كەلگەن شىعىن ەسەپتەلىپ جاتىر. الدىن-الا مالىمەتتەرگە قاراعاندا، ونىڭ كولەمى قازىردىڭ وزىندە 10 ميلليارد دوللارعا جەتىپ قالدى.
"ادىرنا" ۇلتتىق پورتالى
