قوستاناي وبلىسىنىڭ پد پوليتسيا قىزمەتكەرلەرى اۋليەكول اۋدانىندا قوعامدىق ءتارتىپتى ساقتاۋدى جالعاستىرۋدا. بۇل تۋرالى Polisia.kz حابارلادى، دەپ جازادى "ادىرنا" ۇلتتىق پورتالى.
پوليتسەيلەر ءورتتى سوندىرۋگە قاتىسىپ جاتىر جانە قوعامدىق ءتارتىپتى ساقتاۋدى جۇزەگە اسىرۋدا. ءورت وشاعىن جويۋ كەزىندە جكو فاكتىلەرى مەن ادامداردىڭ قازا بولۋىنا جول بەرىلگەن جوق.
رەسپۋبليكالىق ماڭىزى بار قوستاناي – اۋليەكول – سۇرعان تاس جولى پاترۋلدەرمەن كۇشەيتىلدى. قازىرگى ۋاقىتتا پوليتسيا قىزمەتكەرلەرى بارلىق باعىتتار بويىنشا جول قوزعالىسى قاۋىپسىزدىگىن قامتاماسىز ەتۋدى جالعاستىرۋدا.
وتكەن تاۋلىكتە پوليتسەيلەر وزەرنوە كەنتىندە ۇيدەن ءوز بەتىنشە شىعا الماعان مۇگەدەك ايەلدى ەۆاكۋاتسيالاۋعا كومەك كورسەتتى. سونىمەن قاتار امانقاراعاي اۋىلىندا 60 جاستاعى ەر ادام قۇتقارىلدى.
قوستاناي – اۋليەكول تاس جولىنىڭ 96-شاقىرىمىندا پوليتسيا قىزمەتكەرلەرىمەن پاترۋلدەۋ كەزىندە كۇيىك شالعان ەر ادام ەس-ءتۇسسىز تابىلدى. وعان العاشقى مەديتسينالىق كومەك كورسەتىلىپ، اۋرۋحاناعا جەتكىزىلدى. قازىرگى ۋاقىتتا جاعدايى تۇراقتى.
ەلدى مەكەندەردە توناۋ فاكتىلەرىن بولدىرماۋ ءۇشىن پوليتسيا جاساقتارى كۇشەيتىلدى. سونداي-اق جانارماي قۇيۋ بەكەتتەرىندە قاۋىپسىزدىكتى قامتاماسىز ەتۋ بويىنشا شارالار قابىلداندى.
3 قىركۇيەكتە ساعات 21:15-تە رەسپۋبليكالىق ماڭىزى بار تاس جولداعى قوزعالىس قالپىنا كەلتىرىلدى.
پوليتسيا قىزمەتكەرلەرى داۋىس زورايتقىش قۇرىلعىسىنىڭ كومەگىمەن تۇرعىنداردى ەۆاكۋاتسيالاۋ قاجەتتىلىگى تۋرالى ەسكەرتتى. تجم-مەن بىرلەسىپ 1800-دەن استام ادام ەۆاكۋاتسيالاندى. بۇعان دەيىن پوليتسيا قىزمەتكەرلەرى قوستانا قالاسىنداعى “ورۋجەينايا پالاتا” دۇكەنىندەگى ءورتتى ءسوندىرۋ جانە تۇرعىنداردى ەۆاكۋاتسيالاۋ كەزىندە كومەك كورسەتكەن بولاتىن.
"ادىرنا" ۇلتتىق پورتالى
