ءوز بالاسىن ساتقانى ءۇشىن سوتتالعان بويجەتكەن اباقتىدا تۇرمىسقا شىقتى

3168
Adyrna.kz Telegram

ءوز بالاسىن ساتقانى ءۇشىن سوتتالعان بويجەتكەن اتىراۋ كولونياسىندا تۇرمىسقا شىقتى، دەپ حابارلايدى “ادىرنا” ۇلتتىق پورتالى.

وتكەن جىلى 21 جاستاعى ورالدىق بويجەتكەن جۇكتى بولىپ، بوسانعان بولاتىن. بىراق اۋرۋحانادان كەيىن ول جاڭا تۋعان ءسابيىن ساتۋعا شەشىم قابىلدادى. ونى پوليتسيا قاماۋعا الىپ، سوت ۇكىمى بويىنشا قىز جەتى جىلعا باس بوستاندىعىنان ايىرىلدى.

سوتتالۋشى ورالداعى ۋاقىتشا ۇستاۋ يزولياتورىنان اتىراۋداعى ايەلدەر اباقتىسىنا اۋىستىرىلدى. قىز تۇرمەگە تۇسسە دە، عاشىعى ونى تاستاپ كەتپەگەن. عاشىقتار تۇرمە باسشىلىعىنا نەكەنى زاڭداستىرۋ تۋرالى ءوتىنىش جازىپ، كەلىسىمىن العان.

«وسى جەردەن شىعا سالا توي جاسايمىز. ال بۇگىن ءبىز تورتپەن شەكتەلدىك. ارينە، مەن انا اتانامىن جانە قاتەلىگىمدى قايتالامايمىن»، - دەيدى سوتتالۋشى.

قىز التى جىلدان كەيىن عانا بوستاندىققا شىعادى. وعان دەيىن كۇيەۋىمەن اي سايىن كەزدەسە الادى.

”ادىرنا” ۇلتتىق پورتالى

پىكىرلەر