Óz balasyn satqany úshin sottalǵan boıjetken Atyraý kolonııasynda turmysqa shyqty, dep habarlaıdy “Adyrna” ulttyq portaly.
Ótken jyly 21 jastaǵy oraldyq boıjetken júkti bolyp, bosanǵan bolatyn. Biraq aýrýhanadan keıin ol jańa týǵan sábıin satýǵa sheshim qabyldady. Ony polıııa qamaýǵa alyp, sot úkimi boıynsha qyz jeti jylǵa bas bostandyǵynan aıyryldy.
Sottalýshy Oraldaǵy ýaqytsha ustaý ızolıatorynan Atyraýdaǵy áıelder abaqtysyna aýystyryldy. Qyz túrmege tússe de, ǵashyǵy ony tastap ketpegen. Ǵashyqtar túrme basshylyǵyna nekeni zańdastyrý týraly ótinish jazyp, kelisimin alǵan.
«Osy jerden shyǵa sala toı jasaımyz. Al búgin biz tortpen shekteldik. Árıne, men ana atanamyn jáne qateligimdi qaıtalamaımyn», - deıdi sottalýshy.
Qyz alty jyldan keıin ǵana bostandyqqa shyǵady. Oǵan deıin kúıeýimen aı saıyn kezdese alady.
”Adyrna” ulttyq portaly
