اتىراۋدا قازاقستان تۋىن وزگەرتۋمەن بايلانىستى الەۋمەتتىك جەلىدە تاراعان داۋلى فوتوسۋرەتكە قاتىستى كۇدىكتىلەر انىقتالدى. قۇقىق قورعاۋ ورگاندارى بۇل وقيعا بويىنشا قىلمىستىق ءىس قوزعاپ، سوتقا دەيىنگى تەرگەۋ جۇرگىزىپ جاتقانىن مالىمدەدى، دەپ حابارلايدى "ادىرنا" ۇلتتىق پورتالى.
اتىراۋ وبلىستىق پوليتسيا دەپارتامەنتىنىڭ مالىمەتىنشە، سۋرەتتەگى ءتورت كۇدىكتى انىقتالىپ، پوليتسيا بولىمىنە جەتكىزىلگەن. تەرگەۋ قۇپيالىعىنا بايلانىستى قوسىمشا اقپارات جاريالانبايدى.
داۋلى فوتودا بەت-ءجۇزىن تۇمشالاعان بىرنەشە ادام قازاقستان تۋىن ۇستاپ تۇرعانى، الايدا ونىڭ جوعارعى بولىگىنە ساۋد ارابياسىنىڭ تۋىنىڭ ەلەمەنتتەرى قوسىلعانى بايقالعان.
قازاقستان رەسپۋبليكاسىنىڭ زاڭناماسىنا سايكەس، مەملەكەتتىك رامىزدەردى قورلاۋ 3 000 ايلىق ەسەپتىك كورسەتكىشكە (اەك) دەيىنگى (2025 جىلى 11 796 000 تەڭگە) ايىپپۇل سالۋعا نەمەسە 900 ساعاتقا دەيىن قوعامدىق جۇمىستارعا تارتۋعا، نە ەكى جىلعا دەيىن باس بوستاندىعىنان ايىرۋعا اكەپ سوعۋى مۇمكىن.
قازىرگى تاڭدا قۇقىق قورعاۋ ورگاندارى وقيعانىڭ ءمان-جايىن انىقتاۋدا.
