20 قاراشا كۇنى ادىرنا ۇلتتىق پورتالىندا «اتىراۋلىقتار 1 ميلليارد 267 ميلليون تەڭگەگە 39 ءۇي ساتىپ الماق» دەگەن ماقالا جاريالانعان بولاتىن. سول ماقالاعا قاتىستى قالا اكىمىنىڭ ورىنباسارى سەرىك نسانباەۆ جاۋاپ بەردى، - دەپ حابارلايدى ادىرنا ۇلتتىق پورتالى.
ادىرنا ءتىلشىسى اتىراۋ قالالىق اكىمدىگى وتكىزگەن 1 ميلليارد 267 ميلليون تەڭگەلىك مەملەكەتتىك ساتىپ الۋدىڭ تەحنيكالىق سيپاتتاماسىنداپ 3 بولمەلى ءۇيدىڭ الاڭى 40-60, 2 بولمەلى ءۇيدىڭ الاڭى 20-40 شارشى مەتردەن كەم بولماۋى كەرەكتىگى كورسەتىلگەنىن، ال «فۋنكتسيونالدىق، تەحنيكالىق، ساپالىق جانە پايدالانۋ مىنەزدەمەسىن سيپاتتاۋ» دەگەن بولىمدە ءۇش بولمەلى پاتەردىڭ اۋدانى كەمىندە 97, ەكى بولمەلى پاتەردىڭ اۋدانى 75 شارشى مەتردەن كەم بولماۋى قاجەتتىگى ايتىلعانىن جازعان بولاتىن.
ارتىنشا، اكىمدىككە «تەحنيكالىق سيپاتتاماداعى بۇل سايكەسسىزدىك قاتەلىك پە؟ اتىراۋ قالالىق قۇرىلىس ءبولىمى ءۇشىن 97 شارشى مەتر مەن 40-60 شارشى مەتر اۋماقتىڭ ايىرماسى جوق پا؟» دەگەن ساۋال جولداعان.
بۇل ساۋالعا اتىراۋ قالاسى اكىمىنىڭ ورىنباسارى سەرىك نسانباەۆ:
«قالا اكىمدىگى ءسىزدىڭ وتىنىشىڭىزدە اتالىپ وتىرعان ماسەلە بويىنشا ۇلتتىق قور جانە وبلىستىق، رەسپۋبليكالىق بيۋدجەت ەسەبىنەن 1 267 000,0 مىڭ تەڭگە (رەداكتسيا: 1 ميلليارد 267 ميلليون تەڭگە) قاراجات ءبولىنىپ، 39 تۇرعىن ءۇي ساتىپ الىنعان بولاتىن. الايدا تەحنيكالىق سيپاتتامانىڭ «لوتتىڭ سيپاتتاماسى» بولىمىندە 3 بولمەلى ءۇيدىڭ الاڭى 40-60, 2 بولمەلى ءۇيدىڭ الاڭى 20-40 شارشى مەتردەن كەم بولماۋى ءتيىس دەگەن جەرىندە تەحنيكالىق قاتەلىكتەر ورىن العاندىعىن حابارلايدى. وسىعىن سايكەس قازىرگى تاڭدا 3 بولمەلى پاتەر اۋدانى كەمىندە 97, 2 بولمەلى پاتەردىڭ اۋدانى 75 مەتردەن كونكۋرسى ويناتىلىپ، مەردىگەر مەكەمە انىقتالىپ، وسىعان سايكەس كەلىسىم شارت جاساقتالىپ، اتالمىش تۇرعىن ۇيلەردىڭ بارلىعىن قابىلداپ العاندىعىن حابارلايدى» دەپ جاۋاپ بەردى.
قانات بىرلىكۇلى
ادىرنا ۇلتتىق پورتالى
