قازاقستان يادرولىق قاۋىپسىزدىك قاعيداتتارىن بەرىك ۇستانادى. بۇل تۋرالى مەملەكەت باسشىسى قاسىم-جومارت توقاەۆ Twitter-پاراقشاسىندا جازدى، دەپ حابارلايدى «ادىرنا» ءتىلشىسى.
«بۇگىن – يادرولىق سىناقتارعا قارسى حالىقارالىق ءىس-قيمىل كۇنى. بۇل كۇننىڭ بۇكىل ادامزات ءۇشىن ءمان-ماڭىزى ايرىقشا. قاسيەتتى قازاق جەرى اتوم سىناعىنان وراسان زور زارداپ شەكتى. مۇنداي قاسىرەت ەشقاشان قايتالانباۋى كەرەك. قازاقستان يادرولىق قاۋىپسىزدىك قاعيداتتارىن ءاردايىم بەرىك ۇستانادى»،—دەدى ول.
