جەلىدە ايگۇل قىرىقباەۆا ەسىمدى ازاماتشا اقتاۋ قالاسىنىڭ اتاۋىن «شەۆچەنكو» دەپ وزگەرتۋ تۋرالى پەتيتسيا جاريالادى، دەپ حابارلايدى «ادىرنا» ءتىلشىسى.
ول وسىلايشا ۋكراين حالقىن قولداۋعا بولادى دەپ ويلايدى.
«كاسپي تەڭىزىنىڭ جاعاسىندا ورنالاسقان اقتاۋ قالاسى 30 جىلعا جۋىق ۋاقىت ىشىندە ءبىر كەزدەرى قازاقستانعا جەر اۋدارىلعان ۇلى ۋكراين اقىنى، جازۋشى، ەتنوگراف جانە سۋرەتشى تاراس شەۆچەنكونىڭ ەسىمىمەن اتالدى. سوڭعى جاھاندىق ساياسي وزگەرىستەرگە بايلانىستى قازاق جەرىندەگى ۋكرايندىق مۇرانى قولداپ، اقتاۋ قالاسىنا تاريحي «شەۆچەنكو» اتاۋىن قايتارعىمىز كەلەدى.
ويتكەنى تاراس گريگورەۆيچ ءوز وتانىنىڭ ناعىز پاتريوتى بولدى. ونىڭ دامۋى مەن گۇلدەنۋىنە الاڭداپ، قاراپايىم ۋكراين حالقىنىڭ قايعى-قاسىرەتىنە شىن كوڭىلمەن قارادى. سول سياقتى ۋكراينا توپىراعىنا كەلگەن قازىرگى قايعى قازاقستاندىقتاردى دا بەي-جاي قالدىرمايدى. ءجۇز مىڭنان استام ادام قازا تاپتى. ينفراقۇرىلىمدار قيرادى. جۇزدەگەن وتباسى كوشىپ كەتتى.
باۋىرلاس ۋكراين حالقىنا نەمقۇرايلى قاراماۋ جانە ەرەكشە ىنتىماقتىڭ بەلگىسى رەتىندە قالامىزعا «شەۆچەنكو» اتاۋىن قايتارۋىڭىزدى سۇرايمىز»،—دەدى بەلسەندى.
